Friday, 31st October 2014

विद्युत् आपूर्ति बढाउन माग

पथरी, कात्तिक १४ गते । उद्योगमन्त्री महेश बस्नेतले आज मोरङको विराटनगरस्थित बहुराष्ट्रिय कम्पनी आरती स्ट्रिप्सको निरीक्षण गर्नुभयो ।
    मन्त्री बस्नेत आफ्ना कार्यकर्ता एवम् उद्योगीहरुसँग उक्त कम्पनी पुग्नुभएको थियो । कम्पनीका कार्यबाहक अध्यक्ष सञ्जीव शर्माले सरकारसँग थप पाँच मेगावट विद्युत् दिन मन्त्रीसँग आग्रह गर्नुभएको थियो । शर्माले कर्कटपाता बनाउन र प्रशोधन गर्न अर्काे प्लान्ट निर्माण गर्ने जानकारी मन्त्रीलाई दिनुभएको थियो ।
    नेपालमा कर्कटपाताको कच्चा पदार्थ निर्माण नहुँदा महिनैपिच्छे करोडौँ रुपैयाँ लगाएर भारतबाट आयात गर्न परिरहेको शर्माले बताउनुभयो । अहिले आरती स्ट्रिप्सले पाँच मेगावाट विद्युत् प्रयोग गर्दै आएको छ र सरकारसँग थप पाँच मेगावट विद्युत् माग गरेको हो । मन्त्री बस्नेतले चाँडै थप गरिदिने आश्वासन दिनुभएको शर्माले बताउनुभयो ।
    आरती स्ट्रिप्सबाट आरती जस्तापाता उत्पादन हुन्छ । यो कम्पनीले उत्पादन गरेको जस्तापाता नेपालमै खपत हुँदै आएको छ । रासस

हाम्रा प्रकाशनहरु:

गोरखापत्र दैनिकThe Rising Nepal Newspaperमधुपर्कयुबामंचमुना