सुनको भाउ घट्यो

Share this post

         

काठमाडौं, पुस २० गते । स्थानीय बजारमा आज छापावाल सुनको मूल्य प्रतितोला रु. छ सयले घटेको छ ।
 हिजो स्थानीय बजारमा छापावाल सुन प्रतितोला रु. ५९ हजार एक सयमा कारोबार भएकोमा आज प्रतितोला रु. ५८ हजार पाँच सयमा कारोबार भई सुनको मूल्य प्रतितोला रु. छ सयले घट्न गएको नेपाल सुनचाँदी व्यवसायीले संघले जनाएको छ ।
 संघका अनुसार अन्तर्राष्ट्रिय बजारमा आज सुनको मूल्य घट्न गई त्यसको प्रभाव स्थानीय बजारमा पनि पर्न गएको हो ।
 यसैगरी, तेजाबी सुनको मूल्य हिजोको तुलनामा आज प्रतितोला रु. छ सयले घटी रु. ५८ हजार २५० कायम भएको छ भने हिजो तेजावी सुनको मूल्य रु. ५८ हजार ८५० कायम रहेको थियो ।
 यस्तै, स्थानीय बजारमा चाँदीको मूल्य हिजोको तुलनामा आज प्रतितोला रु. ३० ले घटेर रु. एक हजार ९० कायम भएको छ भने हिजो चाँदीको मूल्य प्रतितोला रु. एक हजार १२० कायम रहेको संघले जानकारी दिएको छ । रासस