Friday, 19th September 2014

एनसेल लिटरेचर फेस्टिबल सुरु

काठमाडौँ, असोज ३ गते  । बुकवर्म फाउन्डेसनको आयोजनामा आजदेखि काठमाडौँको प्रज्ञा भवन कमलादीमा चार दिवसीय एनसेल लिटरेचर फेस्टिबल–२०७१ सुरु भएको छ ।
    
    फेस्टिबलको उद्घाटन वरिष्ठ साहित्यकार डा. बानिरा गिरीले गर्नुभएको हो ।
    
    फेस्टिबल आयोजक समितिका संयोजक अजित बरालका अनुसार फेस्टिबलमा चर्चित साहित्यकारहरुको सहभागिता रहने छ ।
    
    कार्यक्रमअनुसार डा. चैतन्य मिश्र, सीके लाल, स्वर्णिम वाग्ले, प्रतीक प्रधान, नगेन्द्र थापा, विश्वम्भर , युवराज घिमिरे, अखिलेश उपाध्याय, नयनराज पाण्डे, कुमार नगरकोटी, अमर न्यौपाने, सत्यमोहन जोशी, वैरागी काइँला, ध्रुवहरि अधिकारी, राजेश हमाल, सरुभक्त, अभि सुवेदी जस्ता लेखक-साहित्यकारहरुले विभिन्न विषयसँग सम्बन्धित आ–आफ्नो प्रस्तुति फेस्टिबलमा राख्नु हुनेछ ।

    आगामी असोज ६ गतेसम्म चल्ने फेस्टिबल प्रत्येक दिन बिहान ११ बजेदेखि सुरु भई ६ बजे सम्पन्न हुने छ । रासस

हाम्रा प्रकाशनहरु:

गोरखापत्र दैनिकThe Rising Nepal Newspaperमधुपर्कयुबामंचमुना