Saturday, 25th October 2014

धान र कोदोवालीमा राम्रो उत्पादन, किसानहरु हर्सित

कालिकोट कार्तिक ५ गते । यस वर्ष देशका विभिन्न स्थानमा समयमै रोपाइँ हुन नसकेका कारण धान उत्पादनमा कमी आउने कृषि विज्ञहरुले अनुमान गरेपनि कालिकोटको रास्कोट क्षेत्रमा धानबाली राम्रो भएको भन्दै कृषकहरु हर्सित भएका छन् । समयमै मनसुन सुरु नभई बर्षा नभएका कारण जेठ असारमा रोप्ने खेतहरु साउन १५ पछि रोपिएकाले धानवाली राम्रो नहुने भन्दै चिन्तित भएका कृषकहरु समय समयमा बर्षा भइरहेका कारण धानवाली राम्रो भएपछि कृषकहरु हर्सित भएका हुन् ।
                 धान र कोदोवालीको पकेट क्षेत्र मानिने कालिकोट जिल्लाको रास्कोट क्षेत्रमा धान वाली र कोदोवाली राम्रो फलेको सिपखाना गाविस वडा नं. ७ का स्थानिय कृषक टक्कनाथ योगी बताउनुभयो । समयमै बर्षा नभएका कारण सिजन भन्दा ढिलो रोपिएको धानवाली यो बर्ष कमै उत्पादन हुनेहोकी भन्ने लागेको थियो उहाँले भन्नुभयो तर नियमित बर्षा भएका कारण धान वाली र कोदोवाली सोचेको भन्दा राम्रो फलेको छ ।
                     धान वाली र कोदोवाली पाक्नेकाम सुरु भई नसकेकाले निरन्तर आइरहेको अविरल बर्षाले कुनै असर नपारेको बरु धानवालीको लागि थप पानीको आपुर्ति भएको स्यूना ५ स्थानिय कृषक लोकजंग शाही बताउनुभयो । समयमै पानी नपर्दा धान रोप्ने खेतहरुमा मकै र कोदो रोप्ने तयारीमा लागेका थियौँ तर साउनमा बर्षा भएपछि ढिलै भएपनि धान रोपाइ गरेका थियौ मौषमले निरन्तर साथ दिएका कारण धान उत्पादनमा राम्रै भएको उनको भनाई छ ।
                धान उत्पादनको पकेट क्षेत्रको रुपमा चिनिने स्यूना फुकोट सिपखाना मुम्रा, मेहलमुडी क्षेत्रमा धान, कोदो र मकै बालीको राम्रो उत्पादन भएको जिल्ला कृषि विकास जेटिए कलबहादुर शाहीले बताउनुभयो । कृषकहरुले मकैवाली भित्राउन सुरुरु गरेपनि धान वाली र कोदो बाली भित्राई नसकेकाले उत्पादनमा राम्रो नतिजा नआइसकेको जेटीए शाहीको भनाई छ । समयमै मनसुन सुरु नभएका कारण आवश्यक समयमा बर्षा नभएपछि नेपाल भर करिव ९१ प्रतिशत रोपाई भएको थियो ।

हाम्रा प्रकाशनहरु:

गोरखापत्र दैनिकThe Rising Nepal Newspaperमधुपर्कयुबामंचमुना