काँग्रेसको तराई–मधेस अभियान सुरु

वसन्त पराजुली

भण्डारा  (चितवन), मङ्सिर २ गते ।  मधेस केन्द्रित दलहरूका कारण मूल प्रवाहका दलहरू तराई मधेसमा आफ्ना गतिविधिहरू सञ्चालन गर्न नसकेको आरोप लागिरहेका बेला ठूलो दल नेपाली काँग्रेसले तरार्ई मधेस केन्द्रित कार्यक्रम सुरु गरेको छ ।  ‘तरार्ई अभियान’  नाम दिएर काँग्रेसले चितवनको भण्डारामा बुधबार एक कार्यक्रम आयोजना गरेर अभियान सुरु गरेको हो ।  तरार्ई मधेस केन्द्रित कार्यक्रम अन्तर्गत चितवनको अलावा मकवानपुर, बारा, रौतहट, सर्लाही, महोत्तरी, धनुषामा विभिन्न कार्यक्रम गरिनेछन् ।
कार्र्यक्रम अन्तर्गत मकवानपुरमा मङ्सिर २ गते, बारामा मङ्सिर ३ गते, रौतहटमा ४ गते, सर्लाहीमा ५ गते, महोत्तरीमा ६ गते र  धनुषामा ७ गते कार्यक्रम तय भएका छन् ।  यी जिल्लामा कार्यकर्ता भेला, गोष्ठी, ¥याली, सभा लगायतका कार्यक्रम गरिने बताइएको छ ।  यी कार्यक्रममा नेपाली काँग्रेसका वरिष्ठ नेता रामचन्द्र पौडेल लगायतका नेताको सहभागिता रहने बताइएको छ ।
अभियान अन्तर्गत काँग्रेसको सङ्गठन मजबुत बनाउन सहयोग पुग्ने विश्वास नेपाली काँग्रेसले लिएको छ ।  अभियानको शुभारम्भका अवसरमा मङ्गलबार नेपाली काँग्रेस चितवन क्षेत्र नम्बर १ ले भण्डारामा कार्यकर्ता भेला र सुझाव सङ्कलन कार्यक्रम राखेको हो ।  कार्यक्रमलाई सम्वोधन गर्दै नेता पौडेलले तरार्ई मधेसमा उठेका समस्या समाधानका लागि काँग्रेसले पहल गरिरहेको बताउनुभयो ।
“मधेसमा उठिरहेका सवालको पहिचान गरी समाधानका लागि राय बुझ्न अहिले तराई केन्द्रित अभियान थालिएको हो”, यहाँ आयोजित अभियानको शुभारम्भ कार्यक्रममा बोल्दै नेकाँका वरिष्ठ नेता पौडेलले भन्नुभयो, “मधेसमा उठिरहेको समस्याको समाधान सहमति र संवादबाटै खोजिनुपर्छ । ”nc
उहाँले काँग्रेससँगको तरार्ई मधेसको सम्बन्ध सुमधुर बनाउनका लागि आफूहरूको अभियान रहेको पनि बताउनुभयो ।  उहाँले नेपाली जनताको बलिदानबाट प्राप्त संविधान र समावेशिता बचाउनका लागि पनि मधेसी दलहरूलाई सहमतिमा ल्याउनुको विकल्प नभएको धारणा राख्नुभयो ।
“मधेसवादी दलले उठाएका कतिपय मागलाई सम्बोधन गरेरै भए पनि मधेसका मुद्दा समाधानमा जुट्न जरुरी छ”, उहाँले थप्नुभयो, “दलहरूबीचको संवाद र सहमतिले नै मधेसमा उठेका माग सम्बोधन गर्नुपर्ने आवश्यकता छ । ”
कार्यक्रममा बोल्दै नेपाली काँग्रेसका नेता शोभाकर पराजुलीले पार्टी अब बल र पैसाले भन्दा पनि विचारले चल्नुपर्ने धारणा राख्नुभयो तर काँग्रेस पछिल्लो समय विचारले चल्न नसकेको उहाँको आरोप थियो ।
कार्यक्रममा सांसदहरू रामकृष्ण घिमिरे, शेषनाथ अधिकारी, नेपाली काँग्रेस चितवनका सभापति जितनारायण श्रेष्ठ लगायतले बोल्नुभएको थियो ।
यसैबीच हाम्रा धादिङ समाचारदाताका अनुसार पुनःनिर्माणको कार्यक्रम चित्तबुझ्दो नभएको भन्दै नेता पौडेलले तत्काल सरकारले प्राधिकरणको काममा कडाइ गर्नुपर्ने बताउनुभएको छ ।
धादिङ कटुञ्जेमा ईपीएफ नेपालले निर्माण गरेको कुण्डलादेवी उच्च माध्यमिक विद्यालयको भवन उद्घाटन कार्यक्रममा बोल्दै नेता पौडेलले पुनःनिर्माण प्राधिकरणले सरकारलाई सहयोग नगरेको बताउनुभयो ।  नेता पौडेलले प्राधिकरणका बारे सरकारको स्पष्ट धारणा बाहिर आउनुपर्ने बताउँदै भूकम्प गएको दुई वर्ष हुन लाग्दासमेत जनता त्रिपालमा बस्नु परेको पीडादायक दृश्य राज्यले निरीह बनेर हेर्न नहुने बताउनुभयो ।
वरिष्ठ नेता पौडेलले काँग्रेसले ७० वर्षभन्दा लामो समय राजनीतिक क्रान्तिमा खर्च गरेकाले अब संविधान कार्यान्वयन र विकास निर्माणमा लागिपर्ने बताउनुभयो ।  देशले अब आर्थिक क्रान्ति खोजेको बताउँदै पौडेलले त्यसको नेतृत्व नेपाली काँग्रेसले गर्ने बताउनुभयो ।  

थप समाचार
प्रतिकृया
नाम

ईमेल

ठेगना