नगरका जनतालाई सुविधा दिन आग्रह



विराटनगर, माघ २ गते । सहरी विकासमन्त्री अर्जुननरसिंह केसीले भवन आचारसंहिताको पालना गरी भूकम्प प्रतिरोधात्मक घर बनाउन जोड दिनुभएको छ ।

उन्नाइसौँ भूकम्प सुरक्षा दिवसका अवसरमा यहाँ आज जिल्ला देवीप्रकोप उद्धार समितिद्वारा आयोजित कार्यक्रममा उहाँले भवन आचारसंहिताको सम्बन्धमा सर्वसाधारणमा जनचेतना फैलाउनुपर्ने औंल्याउनुभयो ।

उहाँले सहरी विकास मन्त्रालयद्वारा गठित उच्चस्तरीय निर्देशन समितिले भवन निर्माणका साथै आधुनिक सहर बनाउनका लागि बाटो, शुद्ध खानेपानी, बिजुली, टेलिफोन र फोहोर व्यवस्थापनको समेत व्यवस्था मिलाउने किसिमको काम गर्नुपर्ने निर्देशन जारी गरेको जानकारी गराउनुभयो ।

मन्त्री केसीले पाँच वर्षअघि १९ प्रतिशत जनता नगरमा बसोवास गरेकामा यतिखेर ४२ प्रतिशतमा पुगे पनि नगरका जनताले तिरेको करको अनुपातमा सुविधा नपाइरहेको तर्फ ध्यानकेन्द्रित गर्नुपर्ने विषय उल्लेख गर्नुभयो ।

यसअघि सो दिवसका अवसरमा विराटनगर उपमहानगरपालिकाको परिसरबाट सुरु भएको प्रभातफेरी जिल्ला प्रशासन कार्यालयको परिसर पुगेर सम्पन्न भएको थियो । रासस

थप समाचार
प्रतिकृया
नाम

ईमेल

ठेगना