सालेस सभापतिमा सत्तापक्षका उपाध्याय विजयी


काठमाडौँ, माघ १७ गते। व्यवस्थापिका–संसद्को सार्वजनिक लेखा समितिको सभापतिमा नेकपा(माओवादी केन्द्र)का सांसद डोरप्रसाद उपाध्याय निर्वाचित हुनुभएको छ ।
समितिको सभापति चयनका लागि आज भएको निर्वाचनमा उपाध्यायले २३ मत प्राप्त गर्नुभयो भने उहाँका निकटतम प्रतिद्वन्द्वी नेकपा(एमाले)का सांसद पशुपति चौलागाईले १६ मत प्राप्त गर्नुभयो । नौ जना सांसद भने अनुपस्थित हुनुहुन्थ्यो ।

समितिमा आवद्ध रहनु भएका ५० सांसदहरुमध्ये जेष्ठ सदस्य रहनु भएका सांसद सवेन्द्रनाथ शुक्लले मतदान गर्न नपाउने व्यवस्थाअनुसार कुल मतदाता ४९ थियो ।
तत्कालीन सभापति जनार्दन शर्मा ऊर्जा मन्त्री हुनुभएपछि ६ महिनादेखि समितिको सभापति पद खाली रहेको थियो ।

सत्तारुढ दल नेपाली काँग्रेस, नेकपा(माओवादी केन्द्र)लगायतका दलले संयुक्त उम्मेदवारको रुपमा उपाध्यायलाई अगाडि सारेको थियो । नवनिर्वाचित सभापतिलाई बधाइ दिन मङ्गलबार बिहान ११.०० बजे समितिको बैठक राखिएको जेष्ठ सदस्य शुक्लले जानकारी दिनुभयो ।

उपाध्याय नेकपा(माओवादी केन्द्र)का तर्फबाट तत्कालीन संविधानसभामा समानुपातिक तर्फबाट सांसद बन्नुभएको हो । रासस

थप समाचार
प्रतिकृया
नाम

ईमेल

ठेगना