कारण देखाऊ आदेश जारी

काठमाडौँ, फागुन ३ गते ।  सर्वाेच्च अदालतले प्रहरी नायव महानिरीक्षक (डीआईजी) जयबहादुर चन्दलाई प्रहरी महानिरीक्षक (आईजीपी) नियुक्ति गर्नुको कारणसहित उपस्थित हुन सरकारको नाममा आदेश दिएको छ ।  
डीआईजी नवराज सिलवालले दर्ता गर्नुभएको रिट निवेदनमा सोमबार प्रधान न्यायाधीश सुशीला कार्कीको एकल इजलासले यस्तो आदेश जारी गरेको हो ।  इजलासले चन्दलाई आईजीपीमा नियुक्तिको निर्णय कार्यान्वयन नगर्न आइतबार दिएको अल्पकालीन आदेशलाई यस रिटमा पनि आधार बनाएको छ ।  
मन्त्रिपरिषद्ले चन्दलाई आईजीपी नियुक्ति गरेको केही घन्टामै आइतबार प्रधानन्यायाधीश कार्कीकै इजलासले नियुक्ति कार्यान्वयनमा रोक लगाएको थियो ।  त्यसको केही समयपश्चात् सिलवालले अर्काे रिट निवेदन सर्वाेच्चमा दर्ता गराउनुभएको थियो ।  
सिलवालको रिट निवेदन प्रधानन्यायाधीश कार्कीले आफ्नै एकल इजलास गठन गरी सुनुवाइका लागि तोक्नुभएको थियो ।  सोमबार प्रधानन्यायाधीश कार्कीको एकल इजलासमा सिलवालको एकमात्र रिट निवेदनको सुनुवाइ भएको थियो ।

थप समाचार
प्रतिकृया
नाम

ईमेल

ठेगना