नवनियुक्त राज्यमन्त्री चौधरीद्वारा शपथ



काठमाडौँ, वैशाख २९ गते । प्रधानमन्त्री पुष्पकमल दाहाल ‘प्रचण्ड’ले नवनियुक्त सङ्घीय मामिला तथा स्थानीय विकास राज्यमन्त्री जनकराज चौधरीलाई पद तथा गोपनीयताको शपथ गराउनुभएको छ ।

प्रधानमन्त्री तथा मन्त्रिपरिषद्को कार्यालय, सिंहदरबारमा आज आयोजित समारोहमा उहाँलाई शपथ गराइएको हो ।

समारोहमा उपप्रधान एवम् सङ्घीय मामिला तथा स्थानीय विकासमन्त्री विजयकुमार गच्छदार, शान्ति तथा पुनःनिर्माण मन्त्री सीतादेवी यादव, शिक्षामन्त्री धनीराम पौडेल, संस्कृति, पर्यटन तथा नागरिक उड्डयनमन्त्री जितेन्द्रनारायण देव, नेपाल सरकारका सचिव र उच्च सरकारी अधिकारीको उपस्थिति थियो ।

यसैबीच नवनियुक्त सङ्घीय मामिला तथा स्थानीय विकास राज्यमन्त्री  चौधरीले विकासबाट वञ्चित दुर्गम ग्रामीण क्षेत्रमा योजना बनाई विकासका कार्यक्रम अघि बढाउने प्रतिबद्धता व्यक्त गर्नुभएको छ ।


पद तथा गोपनीयताको शपथपछि आज मन्त्रालयमा पदभार ग्रहण गर्ने क्रममा रासससँग कुरा गर्दै उहाँले राजनीतिक अस्थिरताका कारण दुर्गम ग्रामीण तहसम्म अपेक्षित विकास नभएकाले ती स्थानमा विकासका गतिविधि बढाउन सकेमात्र मुलुकको सन्तुलित विकास हुने बताउनुभयो ।

राज्यमन्त्री चौधरीले राजनीतिक असहमतिलाई सुल्झाएर सहज वातावरण बनाउन आफ्नोतर्फबाट पहल गर्ने बताउँदै अन्तर्राष्ट्रिय श्रम सङ्गठन (आइएलओ) महासन्धिको १६९ अनुसार स्थानीय शासन सञ्चालनमा सबैको पहुँच पु¥याउने गरी कानुन कार्यान्वयन गर्ने विश्वास दिलाउनुभयो ।

उक्त मन्त्रालयका सचिव दिनेशकुमार थपलियाले लामो समयको अन्तरालमा मुलुकमा स्थानीय तहको निर्वाचन हुन लागेकाले त्यसका लागि आवश्यक कानुन निर्धारित समयभित्र निर्माण गरिसक्नुपर्नेमा जोड दिनुभयो ।

आजै प्रधानमन्त्री पुष्पकमल दाहालले राज्यमन्त्री चौधरीलाई शपथ गराउनुभएको थियो । रासस

थप समाचार
प्रतिकृया
नाम

ईमेल

ठेगना