ताजा तरकारीले मूल्य पाएन

शालिग्राम नेपाल

चितवन, जेठ ८ गते ।  चितवनमा उत्पादन भएको तरकारीले उचित मूल्य नपाएपछि किसानको बारीमा सड्न थालेको छ ।  टिपेर बजारसम्म ल्याउने खर्चसमेत नउठ्ने भएपछि फलेको तरकारी नटिपेर बोटमा नै कुहिन थालेको किसानले जानकारी दिएका छन् ।  निर्वाचनको कारण ताजा तरकारी बिक्रीमा कमी आउनु, यस वर्ष मौसम राम्रो भएर धेरै उत्पादन हुनु, तरकारी खेतीप्रति धेरै किसानको आकर्षण बढेर उत्पादनको मात्रा वृद्धि हुनुलगायतको कारणले अहिले जिल्लामा वर्षे तरकारी बढेको हो ।  
उत्पादन धेरै माघ थोरै भएपछि व्यावसायिक रूपमा तरकारी खेती गर्नेहरूलाई समस्यामा परेको जिल्ला कृषि विकास कार्यालय चितवनको वागवानी विकास अधिकृत धनबहादुर थापा बताउनुहुन्छ  ।  गएको वर्षभन्दा यस वर्ष तरकारी राम्रो उत्पादन भएको छ उत्पादनको परिमाणको हामीले विवरण नलिए पनि पाँचदेखि १० प्रतिशतसम्म वृद्धि भएको अनुमान गरिएको छ ।  
ठूलो लगानीमा व्यावसायिक रूपमा तरकारी उत्पादन गर्दै आएका किसानलाई अहिले मर्का परेको थापाले बताउनुभयो ।  वर्षे तरकारीमा मूल्य नपाउने तने बोडी, काँक्रा, लौका, फर्सीलगायतका तरकारी बारीमा सडेको छ थापाले भन्नुभयो लागत मूल्य पनि नउठेपछि तरकारी बारीमा नै जोत्नु परेको छ ।  यस वर्ष हिउँददेखि नै जिल्लामा तरकारी राम्रो उत्पदान भएको थियो ।  हिउँदमा पनि फूल काउली, बन्दा काउलीले लागत अनुसारको मूल्य नपाउँदा सयांै हेक्टरमा लगाएको तरकारी जोतिएको थियो ।  अहिले वर्षे तरकारीमा पनि त्यही समस्या आएको छ ।  तरकारीको धेरै माग हुने काठमाडाँै, पोखरा हो त्यही निर्वाचनले गर्दा उपभोक्ताको माग तरकारीमा नभए पनि समस्या भएको छ ।  vegetable
निर्वाचनमा आफ्नो घर जाने, समयमा पानी परेको कारण घरघरमा तरकारी उत्पादन हुने, निर्वाचनले गर्दा तरकारीभन्दा अन्य खाने सामग्रीतर्फ आकर्षण बढ्ने, जिल्लामा उत्पादन धेरै हुने भए पनि त्यसको मार व्यावसायिक तरकारी खेती गर्ने किसानलाई परेको छ ।    
तरकारीले बजार नपाए पनि सयौं क्विन्टल बोडी बारीमा सडेर गएको पश्चिम चितनवमा १० बिघामा तरकारी खेती गर्दै आएका गणेश भुसालले बताउनुभयो ।  लागत पनि उठ्दैन कसरी बिक्री गर्ने ।  तने बोडीको मूल्य हामीले दिँदा प्रतिकेजी पाँच रुपियाँ पर्छ त्यती मूल्यमा नारायणगढसम्म ढुवानी गरेर बिक्री गर्दा नाफाभन्दा घाटा लाग्छ ।  तरकारी टिप्ने ज्याला, ढुवानी गर्ने साधनको भाडा गर्दा घाटा लाग्ने भएर एक हप्तादेखि तरकारी टिप्न छाडेको छु उहाँले भन्नुभयो ।  बोडी मात्र होइन, भण्टा, लौका, फर्सीको पनि हालत यस्तै छ ।  
नेपालमा नै तरकारी धेरै उत्पादन भयो उहाँले भन्नुभयो ।  त्यसमाथि भारतबाट अधिक मात्रामा सस्तो तरकारी आएपछि चितवनमा उत्पादन भएको तरकारीले मूल्य पाउन सकेन ।  नेपालमा पाउने सबै तरकारी सस्तोमा भारतबाट आउन थालेपछि यहाँको बजार झन् बिग्रेको व्यावसायिक रूपमा तरकारी खेती गर्दै आएकाले बताएका छन् ।  
जिल्ला कृषि विकास कार्यालय चितवनका अनुसार यस वर्ष वर्षे तरकारी उत्पादनमा वृद्धि भएको छ ।  लहरे जातको तरकारी अहिलेको समयमा उत्पादन भइराखेको छ ।  जिल्लाका विभिन्न क्षेत्रमा तरकारी खेती गरिने भए पनि पश्चिम चितवनको भूभागमा धेरै तरकारी खेती हुने गरेको छ ।  अहिले जिल्लामा वर्षे तरकारी तीन हजार एक सय ९१ हेक्टरमा खेती भएको छ ।  


थप समाचार
प्रतिकृया
नाम

ईमेल

ठेगना