सङ्गीतमा रम्दै रेणुका

renukaकाठमाडौँ ।  पेशाले नर्स तर बाल्यकालीन रुचिले गायिका बन्न पुगेकी रेणुका थापाले डान्सिङ प्याटर्नको क्लब सङ तिम्रो मायामा... को भिडियो यूट्युब मार्फत् सार्वजनिक गर्नुभएको छ ।  सो गीतलाई डिजेहरूले समेत रुचाएका छन् ।  सङ्गीत सुन्नु, गुनगुनाउनु र कविता लेख्नु, रेणुकाका बाल्यकालीन दैनिकी हुन् ।  नर्सिङजस्तो व्यस्त पेशामा रहँदारहँदै पनि रेणुकाले सङ्गीतको सङ्गत छाड्न सक्नुभएन ।  अन्ततः, नर्सिङ पेशालाई थाँती राखेरै रेणुका यतिखेर सङ्गीत अध्ययन, गीत रेकर्डिङ, भिडियो निर्माण र प्रवद्र्धनमा जुट्नुभएको छ ।  
प्रस्तुत गीत÷भिडियोमा शब्द÷सङ्गीत÷स्वर÷मोडलिङसमेत रेणुका थापाको छ ।  रेणुकालाई गौरवजङ्ग राणाले अभिनयमा साथ दिनुभएको छ ।  भिडियोमा गम्भीर विष्टको निर्देशन, पवन गौतमको छायाङ्कन र नवीन निरौलाको सम्पादन रहेको छ ।  
विद्यालय र कलेजका स्मारिकामा फुटकर रचना प्रकाशनसमेत गर्नुभएकी गायिका थापाले कक्षा ६ मा अध्ययन गर्दैदेखि गीत लेख्न थाल्नुभएको हो ।  तीन वर्षदेखि सङ्गीत सिक्दै आउनुभएकी कोटेश्वरकी थापाका तीन वटा गीत÷भिडियो सार्वजनिक छन् ।  गायिका थापा भन्नुहुन्छ, जानीनजानी नै कविता लेख्थेँ ।  गीत कसरी बनाउने हो भन्ने सोच आउँथ्यो ।  सेवातिर पनि सानैदेखि रुचि थियो, त्यसैले नर्सिङ अध्ययनतिर लागेँ ।  नर्सिङ पेशा र सङ्गीतलाई सँगसँगै लैजाने सोचमा रहनुभएकी थापा नेपाली गीत धेरै सुन्ने गरेको बताउनुहुन्छ ।  नारायणगोपाल र अरुणा लामाका गीत विशेष रुचाउने थापालाई पछिल्लो समयका गायिका मेलिना राई र गायक धर्मेन्द्र सेवान मन पर्छ ।  

थप समाचार
प्रतिकृया
नाम

ईमेल

ठेगना


Copyright © 2014, Gorkhapatraonline.com. All rights reserved. | Developed by: Young Minds