योजनाले तीजमा वर नमाग्ने

yojana_1काठमाडौँ ।  पछिल्ला केही वर्षदेखि तीज सङ्गीतमा विकृतिजन्य गीत आउने क्रम बढिरहेकै छ ।  चर्चाका लागि खर्च गर्ने कलाकारले तीजलाई विकृत सङ्गीत दिने माध्यम बनाउँदै आएको पाइन्छ ।  यद्यपि गायिका योजना पुरीले यस पटकको तीजमा परम्परागत भाका पछ्याउँदै तीज गीत बजारमा ल्याउनुभएको छ ।
यसपालिको तीजमा रुन्चे गीत गाउँदिन
इच्छ्याएको पुगोस् भनी वर माग्दिन
दस वर्षदेखि गायन क्षेत्रमा सक्रिय योजनाले तीन वर्षदेखि तीज गीत बजारमा ल्याउन थाल्नुभएको हो ।  तीज गीत नै किन ? भन्ने प्रश्नमा योजनाको उत्तर छ– तीज भन्ने बित्तिकै साङ्गीतिक पर्वका रूपमा पनि लिइन्छ ।  तीज पर्व अब हिन्दुको मात्र नभएर अन्य धर्मावलम्बीले पनि मनाउन थालिसकेका छन् ।  तीजले राष्ट्रिय सीमा नाघेर अन्तर्राष्ट्रियकरण भइरहेको छ ।  त्यसैले तीजलाई माध्यबम बनाएर सङ्गीतको प्रवद्र्धनमा लागेकी छु ।
तीज भन्ने बित्तिकै डान्सिङ नम्बरकै गीत आउँछ –सञ्चारकर्मीसमेत रहेकी गायिका तीज गीत निकाल्नुको कारणबारे योजना भन्नुहुन्छ–नेपाली चेलीका लागि स्वतन्त्रताको अनुभव गर्ने, साथीसँगी, घर–माइती सबैतिर रमाइलो माहोल बन्ने एक विशेष चाड हो तीज ।  गीतकै कारण धेरै श्रोता–दर्शकबीच पुग्न सकिन्छ ।  आफ्नो गीतमा रमाइरमाई नाचेको देखेर रमाइलो लाग्छ ।  त्यसले गायनमा लाग्नसमेत हौसला दिन्छ ।
गायिका पुरीको एक साताअघि सार्वजनिक तीज गीत भिडियोलाई युट्युबमा भिजिट गर्नेको सङ्ख्या ५० हजारभन्दा बढी भइसकेको छ ।  भिडियोमा विजेता पुरी र गायिका स्वयम्ले अभिनय गर्नुभएको छ ।  
भिडियोमा फराज अर्पणको निर्देशन र छायाङ्कन रहेको छ ।  गीतमा कृष्ण पौडेलको शब्द र गौरव दर्पणको सङ्गीत रहेको छ ।  गायिका योजनाले चलचित्र, कलेक्सन एल्बम गरी चार दर्जनभन्दा बढीमा स्वर दिनुभएको छ ।

थप समाचार
प्रतिकृया
नाम

ईमेल

ठेगना