विपद ब्यवस्थापनको लागि युवा शक्ति अपरिहार्य

DSCF5148

गोरखापत्र समाचारदाता
ललितपुर, साउन ७ गते । ललितपुर महानगरपालिकाका प्रमुख चिरीबाबु महर्जनले भविष्यमा आउने विपद ब्यवस्थापन गर्न सम्बद्ध पक्ष चनाखो हुनुपर्नेमा जोड दिनुभएको छ ।
महानगरपालिकाको वडा नम्बर १६ द्वारा यहाँस्थित शनिबार आयोजित विपद ब्यवस्थापन लागि युवाहरुको भूमिका विषयक कार्यक्रममा उहाँले उक्त विचार ब्यक्त गर्नुभएको हो ।
नेपालमा हालै आएको महाभूकम्पमा युवाहरुको सक्रियताले धनजन जोगाउन सफल भएको स्मरण गर्दै विपद ब्यवस्थापनको लागि युवा शक्ति अपरिहार्य रहेको उहाँले चर्चा गर्नुभयो ।
विपद ब्यवस्थापनको लागि ललितपुर महानगरपालिका सदैव तयार रहेको प्रमुख महर्जनले जानकारी दिनुभयो ।
कार्यक्रममा उपप्रमुख गीता सत्यालले ढलमा बगेर वालिकाको मृत्यु भएकोमा दुःख ब्यक्त गर्दै ललितपुर महानगरमा त्यस्ता कुनै पनि कमजोरी नगर्ने आश्वासन दिनुभयो ।
विपद ब्यवस्थापनको लागि नेपाल अझंै सक्षम नभएको जानकारी दिनुहुँदै यस क्षेत्रका विभिन्न पटापक्षलाई केलाएर अगाडि बढ्ने धारणा राख्नुभयो ।
वडा अध्यक्ष निर्मल रत्न शाक्यको सभापतित्वमा भएको उक्त कार्यक्रममा विपद ब्यवस्थापन सम्बन्धि कार्यपत्र पनि प्रस्तुत गरिएको थियो ।

थप समाचार
प्रतिकृया
नाम

ईमेल

ठेगना