हुुम्लामा स्याउ उत्पादन बढ्ने

राजन रावत

सिमकोट, साउन १८ गते ।  हुुम्ला जिल्लामा यस वर्ष स्याउ उत्पादन ११ प्रतिशतले बढ्ने अनुमान गरिएको छ ।  स्याउ फुुल्ने बेला हिमपात हुुनुु र बर्खामा पनि समय समयमा पानी पर्नाले स्याउको उत्पादनमा वृद्धि हुने भएको हो । मौसमले साथ दिँदा यसपालि हुुम्ला जिल्लामा स्याउका बोटमा लटरम्म स्याउका दाना लागेको र यसले गर्दा आम्दानीमा वृद्धि हुने सिमकोट गाउँपालिका वडा नम्बर २ का किसान गोरासिंह बोहोराले जानकारी दिनुभयो ।  एक सय बोट रोप्नुभएका बोहोराले गत वर्ष स्याउ कम फल्दा आम्दानी भएको बताउनुभयो ।  
डेढ सय बोट भएको फार्मकी धनी सिमकोट–५ की हाँसुु रोकायाले पनि यसपालि कमाइ राम्रो हुने आशा व्यक्त गर्नुभयो ।  आफ्नो फार्मका सबै बोटमा स्याउ राम्रो फलेको र यसले गर्दा कमाइ पनि दरै हुनेमा रोकाया ढुुक्क हुनुुहुन्छ ।  Apple jumla
सिमकोट–२ का छिरिङ लामाले यसपालि दोब्बर उत्पादन हुने आशा व्यक्त गर्नुभयो ।  तरकारीबाट पनि राम्रै कमाइ गर्ने लामाले आफ्नो दुई सय बोटको बगानमा गत माघ फागुुनमा डेढ सय बोट स्याउ अरू थपेको बताउनुुभयो ।  
सुुरुमा स्याउ बिक्री हुने बजार नदेखेर फार्म विस्तार नगरिएको भए पनि पछिल्ला वर्ष यसबाट राम्रो आम्दानी हुुन थालेपछि किसान स्याउ खेतीप्रति निकै उत्साहित बनेकोे सिमकोट–५ का किसान अदानसिंह रावतले बताउनुुभयो ।  
हुुम्ला जिल्लाको सबै भू–भागमा स्याउ राम्रो फल्ने भए पनि हाल विशेष गरेर सिमकोट, खार्पुुनाथ, सर्केगार्ड र चंखेली र अदान चुुली गाउँपालिकाका किसानले व्यावसायिक रूपमा स्याउ खेती गरेको जिल्ला कृषि विकास कार्यालयले
जनाएको छ ।  
अघिल्लो वर्षको तुलनामा यस वर्ष स्याउको उत्पादन ११ प्रतिशतले वृद्धि हुने कार्यालयका वरिष्ठ कृषि विकास अधिकृत चन्द्रप्रसाद रिसालले बताउनुुभयो ।  गत वर्ष हुम्ला जिल्लामा एक हजार ५८० मेट्रिक टन स्याउ उत्पादन भएकोमा यस वर्ष १७५ मेट्रिकटन बढी स्याउ उत्पादन हुने प्रक्षेपण कार्यालयले गरेको उहाँले बताउनुुभयो ।  
हाल जिल्लामा फल्ने स्याउमा  ८० प्रतिशत रेड डेलिसियस, १५ प्रतिशत ग्रीन डेलिसियस र चक्लेटी स्याउ पाँच प्रतिशत रहेको उहाँले जानकारी दिनुभयो ।  कुल ४५७ हेक्टरमा एक लाख ३७ हजार एक सय बोट स्याउ लगाएकोमा  १९० हेक्टर जमिन रोपिएका ५७ हजार स्याउका बोटले फल दिन थालेको उहाँले बताउनुुभयो ।  

थप समाचार
प्रतिकृया
नाम

ईमेल

ठेगना