रु. २० करोडभन्दा बढीको स्याउ उत्पादन

Apple jumlaखलङ्गा, भदौ ३ गते । यस आर्थिक वर्ष जुम्लामा २० करोड रुपियाँ बराबरको स्याउ उत्पादन गरेको छ । जिल्लाको ८५० हेक्टर जमिनमा लगाइएको खेतीबाट चार हजार ५५० मेट्रिक टन स्याउ उत्पादन भएको जिल्ला कृषि विकास कार्यालय जुम्लाका वरिष्ठ कृषि विकास अधिकृत भरतप्रसाद कँडेलले जानकारी दिनुभयो । गएको वर्षको तुलनामा यो वर्ष परिपक्व दाना, स्वादिलो र रङले भरिएको छ, गुणस्तर पनि राम्रो छ, यसले राम्रो बजार पाउने अपेक्षा गरिन्छ –उहाँले भन्नुभयो । 

किसानले प्रतिकेजी ४५ मा मात्र बिक्री गरे पनि जुम्ला जिल्लालाई २० करोड रुपियाँ आम्दानी हुने प्रारम्भिक अनुमान गरिएको उहाँले बताउनुभयो तर जुम्लामा नै प्रतिकेजी ५० रुपियाँभन्दा कममा स्याउ बिक्री नहुने देखिएकाले आम्दानी अझ बढ्ने उहाँको भनाइ छ । उहाँका अनुसार गतवर्ष व्यापारीले किसानको स्याउ बगैँचामा पुगेर प्रतिकेजी स्याउको ६५ हालेका थिए ।
यता स्याउ व्यापारी जयऋषि उपाध्यायले अहिले नै किसानबाट प्रतिकेजी ५५ देखि ६० रुपियाँमा खरिद गरिएको बताउनुभयो । जिल्ला कृषि विकास कार्यालयले भदौ १ गतेदेखि मात्र स्याउबाहिर जिल्लामा निर्यात गर्ने सूचना गरेकाले पाँच लाख रुपियाँको स्याउ आफूले तयारी अवस्थामा राखेको उहाँको भनाइ छ ।

 

थप समाचार
प्रतिकृया
नाम

ईमेल

ठेगना