‘व्यापक सहभागिता सफल निर्वाचनको सूचक’

काठमाडौँ, भदौ २२ गते । प्रदेश २ का आठ जिल्लाका १३६ वटा स्थानीय तहमा बुधबार उम्मेदवारी मनोनयन दर्ता कार्य उत्साहजनक र शान्तिपूर्ण रूपमा रहेको जानकारी निर्वाचन आयोगले दिएको छ ।  निर्वाचन आयोगका प्रमुख निर्वाचन आयुक्त डा. अयोधीप्रसाद यादवले हालैको बाढी र डुबानको पीडा एवं शोकमा समेत रहेको त्यस क्षेत्रका मतदाताले उत्साहजनक र शान्तिपूर्ण रूपमा उम्मेदवारी दर्ता गराउनुभएको बताउनुभयो । उहाँले यो उत्साह र व्यापक सहभागिता सफल निर्वाचनको सूचकका रूपमा आयोगले लिएको छ भन्नुभयो । ayodhi yadav_mohan bhattarai (1)_1

निर्वाचन आयोगको संयुक्त निर्वाचन सञ्चालन केन्द्र (जेईओसी)बाट प्राप्त विवरणअनुसार १८ हजार २०० जना उम्मेदवारले मनोनयन दर्ता गराउनुभएको छ । उम्मेदवारको विवरण आउने क्रम जारी रहेकाले यो सङ्ख्या बढ्ने आयोगको अनुमान छ । बुधबार नगरपालिकाको प्रमुख, उपप्रमुख, गाउँपालिकाको अध्यक्ष, उपाध्यक्ष, वडाअध्यक्ष, महिला वडा सदस्य, दलित महिला वडा सदस्य र दुई खुला सदस्य पदका लागि मनोनयन दर्ता भएको हो ।  निर्वाचन कार्यक्रमअनुसार उम्मेदवारको अन्तिम नामावली प्रकाशनपछि  उम्मेदवारलाई यही भदौ २४ गते निर्वाचन चिह्न प्रदान गरिनेछ ।
निर्वाचन आयोगका प्रवक्ता नवराज ढकालले उम्मेदवारहरूले सम्बन्धित मुख्य निर्वाचन अधिकृत र निर्वाचन अधिकृतको कार्यालयमा पुगेर महिला, दलित लगायतका उम्मेदवारहरूले उत्साहपूर्ण तरिकाले मनोनयन दर्ता गराउनुभएको बताउनुभयो ।
यसैबीच उद्योग मन्त्रालय, मातहतका निकाय र उद्योगी व्यवसायीहरूले आगामी निर्वाचनलाई स्वच्छ, स्वतन्त्र र मितव्ययी बनाउन आचारसंहिताको पूर्ण पालना गर्ने÷गराउने प्रतिबद्धता जनाएका छन् ।
निर्वाचन आचारसंहिताको पालनासम्बन्धी निर्वाचन आयोगमा बुधबार आयोजित छलफलमा उद्योगी व्यवसायीहरूको छाता सङ्गठन नेपाल उद्योग वाणिज्य महासङ्घले निर्वाचनलाई स्वच्छ, स्वतन्त्र र मितव्ययी बनाउन आचारसंहिताको पूर्ण पालना गर्ने÷गराउने प्रतिबद्धता जनाएको छ ।
महासङ्घका तर्फबाट  निर्वाचन आचारसंहिताविपरीत हुने गरी कुनै पनि सामग्रीको उत्पादन, बिक्रीवितरण नगर्न÷नगराउन महासङ्घले मातहतका निकायलाई अपिल गर्ने प्रतिबद्धता व्यक्त गरेको छ ।
उद्योग मन्त्रालय र  मातहतका निकायका पदाधिकारी र महासङ्घका प्रतिनिधिले हस्ताक्षर गर्नुभएको निर्वाचन आचारसंहिता पालनासम्बन्धी प्रतिबद्धतापत्रमा निर्वाचन आचारसंहिताविपरीत कुनै पनि राजनीतिक दलको निर्वाचन चिह्न अङ्कित भएका टिसर्ट, ब्याग, टोपी, झोला लगायतका सामग्रीको उत्पादन एवं बिक्रीवितरण गर्न नदिने उल्लेख छ ।
प्रमुख निर्वाचन आयुक्त डा. अयोधीप्रसाद यादवले निर्वाचनलाई स्वच्छ, स्वतन्त्र र निष्पक्ष तुल्याउन प्रचारप्रसारलाई खर्चिलो र भड्काउ तुल्याउन नदिन सबैको सहयोग आवश्यक रहेको बताउनुभयो ।
आयुक्त इला शर्माले आचारसंहिता पालनाले निर्वाचनको महŒव अझ बढ्ने र लोकतन्त्रसमेत संस्थागत हुने बताउनुभयो । आयुक्त ईश्वरीप्रसाद पौड्यालले निर्वाचन आचारसंहिता उल्लङ्घन हुन नदिन सरकारी र निजी क्षेत्र मिलेर काम गर्नुपर्ने आवश्यकता औँल्याउनुभयो ।
आयुक्त नरेन्द्र दाहालले निर्वाचनका समयमा राजनीतिक दलका कार्यकताले उद्योगबाट उत्पादन भएका चुनाव चिह्न अङ्कित टोपी र गन्जीजस्ता सामग्री प्रयोग गरेको पाइएकाले त्यसो हुन नदिन महासङ्घले पहल गर्नुपर्ने बताउनुभयो ।  
नेपाल उद्योग वाणिज्य महासङ्घका महासचिव सुरेशमान श्रेष्ठले मुलुकको प्राथमिकताका रूपमा रहेको निर्वाचनसफल तुल्याउन सहयोग गर्ने प्रतिबद्धता जनाउनुभयो ।

 

थप समाचार
प्रतिकृया
नाम

ईमेल

ठेगना