हिंसापीडित महिला उजुरी नै गर्दैनन्

mahila hinsaकाठमाडौँ, भदौ २२ गते । यौन तथा लैङ्गिक हिंसामा परेका महिलामध्ये झन्डै झन्डै एक चौथाइ महिलाले मात्रै आफूमाथि हिंसा भएको भनेर प्रहरीसमक्ष उजुरी गर्ने गरेको एक अध्ययनले देखाएको छ । महिला अधिकारको क्षेत्रमा क्रियाशील सङ्कल्प नामक संस्थाले विभिन्न १५ जिल्लाका नौ सय महिलामा गरेको अध्ययनमा यस्तो पाइएको हो । 

यही साता सार्वजनिक गरिएको अध्ययन अनुसार १५ जिल्लाका ७५ वटा स्थानीय तहका १५ देखि ५९ वर्ष उमेर समूहका नौ सय महिलामा यौन तथा लैङ्गिक हिंसा विषयमा गरिएको अध्ययनका क्रममा ७२ प्रतिशत प्रहरीसमक्ष नपुग्ने गरेको पाइएको छ ।
सङ्कल्पको अध्ययन प्रतिवेदन अनुसार काठमाडौँ, डोटी, डडेल्धुरा, दैलेख, कञ्चनपुर, सुर्खेत, बाँके, इलाम, धनकुटा, सिरहा, काभ्रे, गोरखा, कास्की, नवलपरासी, मकवानपुरका त्यो सङ्ख्याका महिलालाई प्रत्यक्ष भेटेर अध्ययन गरिएको थियो ।
अध्ययन प्रतिवेदनमा ती महिलामध्ये आपूmमाथि हिंसा हुँदा प्रहरी तथा अन्य सङ्घसंस्थामा उजुरी दिनुपर्छ भन्ने जानकारी ८८ प्रतिशतमा भएको र १२ प्रतिशत महिलालाई उजुरी गर्ने भन्ने नै थाहा नभएको उल्लेख गरिएको छ ।
प्रतिवेदन अनुसार हिंसामा परेका महिलाले परिवारको इज्जत जाने डर, बालबच्चा साना भएर छोड्न नपाएर, कमजोर आर्थिक अवस्था, परनिर्भरता लगायतका कारणले प्रहरी वा अन्य संस्थामा उजुरी नगरेको पाइएको छ ।

 

थप समाचार
प्रतिकृया
नाम

ईमेल

ठेगना