पुष्पखेतीबाट मासिक डेढलाख कमाइ

huma gurungलमजुङ, कात्तिक ९ गते ।  बेसीसहर–५ बोहोराबेसीकी हुमा गुरुङलाई घाम उदाएदेखि अस्ताएसम्म फूलबारीमामा काम गर्न भ्याइनभ्याइ छ ।  माटो र फूलसँगै रम्न पाउँदा सारा दुःख, पीडा भुलेको महसुस भएको गुरुङ बताउनुहुन्छ ।
फूलको हेरचाहमै दिन बित्छ, बिहान उठेदेखि नै फूलमा पानी हाल्यो, गोडमेल ग¥यो, समय बितेको पत्तै हुँदैन ।  यसैमा खुसी र सुखी छु, हुमाले भन्नुभयो ।  हुमाको फूलबारी नर्सरीमा सयभन्दा बढी प्रजातिका पूmलका बिरुवा हुर्किरहेका छन् ।  चार रोपनीमा फूलका बिरुवा र थप चार रोपनीमा चाइनिज दुबो खेती भइरहेको हुमाले बताउनुभयो ।
तीन वर्षअघि धान खेती भइरहेको जग्गा भाडामा लिएर पुष्प नर्सरी सुरु गर्दा हुमालाई हौसला दिनेभन्दा गिज्याउने धेरै भेटिएका थिए तर त्यतिबेला पुष्पखेती पनि हुन्छ र ? भनेर प्रश्न गर्नेहरू अहिले यसबाट भइरहेको आम्दानी देखेर जिब्रो टोक्न थालेका हुमा बताउनुहुन्छ ।  १० लाख रुपियाँबाट सुरु भएको व्यवसाय अहिले ६० लाखको पुगेको छ ।  
हुमा २०७१ सालमा पुष्प व्यवसायमा प्रवेश गर्नुभएको हो ।  विभिन्न फूल र फलफूलका बिरुवा तयार गर्ने उद्देश्यका साथ सञ्चालित उहाँको पुष्प नर्सरी व्यवसायले अहिले फड्को मारेको छ ।  अहिले उहाँले नर्सरीमा बिरुवा तयार पार्नुका साथै फूल खेती पनि गर्दै आउनुभएको छ ।  
दुईवटा ग्रिनहाउस नर्सरीमा सयपत्री, बहुवर्षे जिरानियम, जर्बेरा, पिटुमिया, डायन्थल्स, बेगनबेलिया, गुलाब, धुपी, क्रोटन, क्रिसमस ट्रिलगायतका फूलका बिरुवा उत्पादन र बिक्री भइरहेको छ ।  यस्तै हाइब्रिड जातका कागती, अम्बा, आँप, लिची, एभोकार्डो, सुन्तला मुन्तला, अनार, रुद्राक्ष, बुद्धचित्तलगायतका बिरुवा पनि उपलब्ध छ ।  ‘फूलमा भन्दा फूलका बिरुवा बेच्न फाइदा हुन्छ’, उहाँले सुनाउनुभयो ।  अहिले फूल  नर्सरीमा तयार पारिएका बिरुवा बेचेर दैनिक १० हजार आम्दानी हुन्छ, उहाँले भन्नुभयो, यसरी हेर्दा मासिक तीन लाख आम्दानी हुन्छ ।  आफ्नो र कामदारको तलब, बीउ, जग्गा भाडा आदि कटाउँदा डेढ लाख चोखो बच्छ ।
दिनमा १० हजारदेखि डेढ लाखसम्मको फूलका बिरुवा बेचेँ ।  सार्वजनिक कार्यक्रममा खादाभन्दा मालाको माग बढ्दो छ, हुमाले भन्नुभयो, उत्पादनले बजार नपाउने चिन्ता छैन, मागअनुसार पु¥याउनै सकेको छैन ।  
फूल र रङको पर्व तिहारमा निकै फूल बिक्री भए ।  उपभोक्ताको मागलाई धान्न नसकेको र अर्को वर्ष अझ बढी उत्पादन गर्ने लक्ष्य लिएको उहाँले बताउनुभयो ।  हुमाले जिल्लामै पहिलोचोटि पुष्प व्यवसाय सञ्चालन गर्दा जिल्ला कृषि विकास कार्यालय लमजुङले बीउ खरिदका लागि केही रकम सहयोग गरेको थियो तर त्यसयता कृषि कार्यालयबाट सहयोग पाउन नसकेको उहाँको गुनासो छ ।
 

थप समाचार
प्रतिकृया
नाम

ईमेल

ठेगना