प्रमुख दलहरुले उम्मेदवार टुङ्गो लगाए

काठमाडौँ, कात्तिक १६ गते ।  नेपाली काँग्रेसले प्रतिनिधिसभा र प्रदेशसभाको दोस्रो चरणमा निर्वाचन हुने स्थानका लागि उम्मेदवारको टुङ्गो लगाएको छ ।  नेपाली काँग्रेस संसदीय समिति (बोर्ड)को बुधबार अबेरसम्म बसेको बैठकले अधिकांश क्षेत्रको लागि उम्मेदवारको टुङ्गो लगाएको हो ।  
दोस्रो चरणको उम्मेदवारीका लागि  बिहीबार उम्मेदवारी मनोनयन गर्ने कार्यतालिका रहेको छ ।   विभिन्न राजनीतिक दलसँग बृहत् लोकतान्त्रिक एकता  गर्दै चुनावी गठबन्धन गरिरहेको नेपाली काँग्रेसलाई उम्मेदवारको अन्तिम नामावली टुङ्ग्याउन काँग्रेसलाई निकै सकस परेको छ ।   
नेपाली काँग्रेसले प्रतिनिधिसभामा प्रदेश १ अन्तर्गत इलाम १ र २ बाट क्रमशः भूपेन्द्र कट्टेल र केशव थापा, तेह्रथुमबाट सीता गुरुङ, धनकुटामा राप्रपासँग तालमेल गरेको छ ।   उदयपुर १ र २ मा क्रमशः डा. नारायण खड्का र नारायणबहादुर कार्कीलाई काँग्रेसले अगाडि सारेको छ ।  झापा क्षेत्र नम्बर १ मा विश्वप्रकाश शर्मा र ३ बाट कृष्णप्रसाद सिटौलालाई उम्मेदवार बनाइएको छ ।
मोरङ १ बाट  डिकबहादुर लिम्बू, २ बाट डा. मीनेन्द्र रिजाल, ३ बाट सुनिलकुमार शर्मा, ४ बाट महेश आचार्य, ५ बाट अमृतकुमार अर्याल र ६ बाट डा. शेखर कोइराला, सुनसरी १, २, ३ र ४ बाट क्रमशः मीनबहादुर विश्वकर्मा, सीताराम मेहता, विजयकुमार गच्छदार र ज्ञानेन्द्रबहादुर कार्कीले उम्मेदारी दिनुहुनेछ ।  
प्रदेश ३ को सिन्धुली १ बाट प्रेमचन्द्र दाहाल, २ बाट नरेन्द्रजङ्ग थापा, मकवानपु्र १ मा राप्रपासँग तालमेल गरेर कमल थापालाई काँग्रेसले अघि सारेको छ भने २ मा महालक्ष्मी उपाध्याय डिनालाई उम्मेदवारी दिइएको छ ।  
काभ्रेपलाञ्चोक १ मा तीर्थबहादुर लामा, सिन्धुपाल्चोक १ बाट  मोहनबहादुर बस्नेत र २ बाट राप्रपा (प्रजातान्त्रिक)का पशुपतिशमशेर जबरा, काठमाडौँ १ बाट प्रकाशमान सिंह, ३ मा अम्बिका बस्नेत, ४ मा गगनकुमार थापा, ५ मा डा. प्रकाशशरण महत, ८ मा नवीन्द्रराज जोशीलाई काँग्रेसले अघि सारेको छ ।   
प्रदेश ४ को नवलपरासी बर्दघाट सुस्तापूर्व १ नवलपुरबाट डा.  शशाङ्क कोइराला,  २ बाट विष्णुकुमार कार्की, तनहुँ १ बाट रामचन्द्र पौडेल, स्याङ्जा १ बाट राजु थापा, २ बाट गोपालमान श्रेष्ठ र पर्वत १ बाट अर्जुनप्रसाद जोशीलाई उम्मेदवार बनाइएको छ ।   
प्रदेश ५ को पाल्पा १ बाट विजयराज घिमिरे, २ बाट हरिप्रसाद नेपाल, अर्घाखाँची १ बाट रामबहादुर बीसी, गुल्मी १ बाट चन्द्रकान्त भण्डारी, २ बाट चन्द्रबहादुर केसी, प्रदेश ६ को सल्यान १ बाट राजेन्द्रबहादुर शाह, सुर्खेत १ मा पूर्णबहादुर खड्का, २ मा हृदयराम थानी,  दैलेख १ मा राप्रपासँग तालमेल गरिएको छ भने २ मा शिवराज जोशीलाई टिकट दिएको छ ।  
प्रदेश ७ को कैलाली १ मा ईश्वरीदेवी न्यौपाने, २ मा मोहनसिंह राठौर, ३ मा रामजनम चौधरी, ४ मा सुनिलकुमार भण्डारी, ५ मा डा. आरजु राणा देउवा, कञ्चनपुर १ मा दिवानसिंह विष्ट, २ मा नारायणप्रकाश साउद, ३ मा रमेश लेखक, अछाम १ बाट भरतकुमार स्वाँर, २ बाट पुष्षबहादुर शाह र डोटी १ बाट वीरबहादुर बलायरलाई टिकट दिइएको छ ।
यस्तै प्रतिनिधिसभा र प्रदेशसभाका लागि दोस्रो चरण निर्वाचनको मनोनयन दर्ताको एक दिनअगाडि नेकपा
(एमाले) र माओवादी केन्द्र सम्मिलित वाम गठबन्धनले प्रत्यक्ष तर्फको १२८ तथा समानुपातिक २५६ सिट तथा उम्मेदवारको टुङ्गो लगाएको छ ।  
एमालेका शीर्ष नेताहरू अध्यक्ष केपी शर्मा ओली झापा ५, वरिष्ठ नेता झलनाथ खनाल इलाम १, माधवकुमार नेपाल काठमाडौँ २, उपाध्यक्ष वामदेव गौतम बर्दिया १, भीम रावल अछाम १, महासचिव ईश्वर पोखरेल काठमाडौँ ५, उपमहासचिव विष्णु पौडेल रूपन्देही २, घनश्याम भुसाल रूपन्देहीबाट उम्मेदवार बन्ने टुङ्गो लागेको छ ।
त्यस्तै प्रदीप ज्ञवाली गुल्मी १, गोकर्ण विष्ट गुल्मी २, योगेश भट्टराई ताप्लेजुङ, स्थायी कमिटी सदस्य सुवास नेम्बाङ इलाम २, नेताहरू सुरेन्द्र पाण्डे चितवन १, छविलाल विश्वकर्मा रूपन्देही, भानुभक्त ढकाल मोरङ ३, लालबाबु पण्डित मोरङ ६, शेरबहादुर तामाङ सिन्धुपाल्चोक २, महेश बस्नेत भक्तपुर २, गोकुल बास्कोटालाई काभ्रे २ बाट उम्मेदवार बनाउने निर्णय एमालेले गरेको छ ।
सोहीअनुसार युवा नेताहरू रवीन्द्र अधिकारी कास्की २, खगराज अधिकारी कास्की १, कृष्णभक्त पोखरेल चितवन २, जगन्नाथ खतिवडा उदयपुर १, दलबहादुर राना पाल्पा १, यज्ञराज सुनुवार ओखलढुङ्गा, जनार्दन शर्मा रसुवा, दामोदर भण्डारी बैतडीबाट प्रत्यक्ष उम्मेदवार बन्नुभएको एमाले केन्द्रीय कार्यालय सचिव कृष्णगोपाल श्रेष्ठले बताउनुभयो ।  
यसैगरी नेकपा माओवादी केन्द्रले बुधबार अबेर मात्र आफ्नो उम्मेदवार टुुङ्गो लगाएको छ ।  अध्यक्ष पुुष्पकमल दाहाल ‘प्रचण्ड’ले चितवन क्षेत्र नं. ३, कृष्णबहादुर महरा दाङ क्षेत्र नं. २, गरिराजमणि पोखरेल महोत्तरी क्षेत्र नं. १ र प्रवक्ता पम्फा भुुसाल ललितपुर क्षेत्र नं. ३, भोजपुरमा सुदन किराती, सोलुखुम्बुमा हेमकुमार राई, उदयपुर २ मा सुरेशकुमार राई, सुनसरी २ मा डम्बर सुवेदी, झापा १ मा सुरेन्द्रकुमार कार्की, मोरङ ४ मा अमनलाल मोदी उम्मेदवार हुनुहुन्छ ।  
मोरङ ५ मा शिवकुमार मण्डल, सप्तरी १ मा अशोककुमार मण्डल, सप्तरी २ मा उमेशकुमार यादव, सिरहा २ मा सुरेशचन्द्र दास, सिरहा ४ मा अजयशङ्कर नायक, धनुषा १ मा मातृकाप्रसाद यादव, धनुषा २ मा रामचन्द्र झा, धनुषा ३ मा रामसिंह यादव, महोत्तरी १ मा गिरिराजमणि पोखरेल, महोत्तरी ४ मा रजी हैदर, सर्लाही २, ३ र ४ मा क्रमशः दिनेश राय यादव, रामेश्वर राय यादव र शिवपुजन यादव, रौतहट १ र ३ मा सत्यनारायण भगत र प्रभु साहलाई उम्मेदवार चयन गरिएको छ ।  
बारा २ मा शिवचन्द्र कुशवाहा, पर्सा ४ मा उर्मिला अर्याल, रामेछापमा श्यामकुमार श्रेष्ठ, सिन्धुली २ मा हरिबोल गजुरेल, सिन्धुपाल्चोक १ मा अग्निप्रसाद सापकोटा, काभ्रे १ मा गङ्गाबहादुर तामाङ, भक्तपुर १ मा मिलन सुवाल, नुवाकोटमा हितबहादुर तामाङ, काठमाडौँ १, ६, ८ र १० मा क्रमशः अनिल शर्मा, झक्कुप्रसाद सुवेदी, उमेश स्थापित र हितमान शाक्य, लमजुङमा देवप्रसाद गुरुङ, गोरखा १ र २ मा क्रमशः हरिराज अधिकारी र नारायणकाजी श्रेष्ठ उम्मेदवार हुनुहुन्छ ।
यसैगरी बागलुङ २ मा देवेन्द्र पौडेल, नवलपुर १ मा भविश्वर पराजुली, अर्घाखाँचीमा टोपबहादुर रायमाझी, रोल्पामा वर्षमान पुन, रुकुम पूर्व कमला रोका, नवलपरासी २ मा घनश्याम यादव, बर्दिया २ मा सन्तकुमार थारू, कपिलवस्तु १ मा चक्रपाणि खनाल, दाङ २ मा कृष्णबहादुर महरा, बाँके १ मा महेश्वर गहतराज, रूपन्देही ५ मा डिलाराम आचार्य, जुम्लामा गजेन्द्र महत, कालीकोटमा दुर्गाबहादुर रावल, हुम्लामा छिमी लामा, सल्यानमा टेकबहादुर बस्नेत, जाजरकोटमा शक्तिबहादुर बस्नेत हुनुहुन्छ ।  
रुकुम पश्चिममा जनार्दन शर्मा, डडेलधुरामा खगराज भट्ट, कञ्चनपुर १ मा बीना मगर, कैलाली ३ मा गौरीशङ्कर चौधरी र कैलाली ४ मा लेखराज भट्टलाई उम्मेदवार बनाइएको छ ।  

थप समाचार
प्रतिकृया
नाम

ईमेल

ठेगना