सहुलियत बीमाप्रति कृषकको चासो थोरै

gotकपिलवस्तु, कात्तिक २१ गते  ।   कृषि तथा पशु बीमा कार्यक्रम कपिलवस्तुमा प्रभावकारी भएको छैन ।   सरकारले कृषकलाई कृषि तथा पशु बीमामा सहुलियत दिएको भए पनि कृषकले यसबारे चासो देखाएका छैनन् ।   कृषि तथा पशु कार्यालयको तथ्याङ्कका आधारमा पनि दुई प्रतिशत कृषकले मात्र बीमा गरेका छन् ।   सरकारले बीमामा ९० प्रतिशत अनुदान दिने गरे पनि हालसम्म किसानले यसबारे चासो नदेखाएको जिल्ला कृषि विकास कार्यालयका प्रमुख खुर्शेद अहमद खानले जानकारी दिनुभयो ।   
जिल्ला पशु सेवा कार्यालयको तथ्याङ्क अनुसार हाल १० लाख ९७ हजार चार सय पशु रहेका छन् तर अहिलेसम्म १८० वटा पशुको मात्र बीमा गरिएको पशु विकास अधिकृत राजकिशोर यादवले बताउनुभयो ।   कृषि अन्तर्गतको माछापालक कृषकले पनि बीमामा चासो देखाएका छैनन् ।   कपिलवस्तुमा ५४० हेक्टरमा माछापालन गरिने भए पनि जम्मा १८ हेक्टर क्षेत्रफलमा पालिएका माछाको मात्र बीमा गरिएको मत्स्य विकास अधिकृत विष्णु खनालले बताउनुभयो ।  
कृष्णनगर नगरपालिकाका माछा कृषक अभिषेक रजौरियाले विगतमा माछा पालनमा भएको क्षति विचार गरेर अहिले बीमा कार्यक्रममा सहभागी भएको जानकारी दिनुभयो ।   विगत २–३ वर्षयता माछा पाल्ने क्रममा रोग प्रकोप तथा पानी र अक्सिजन अभावले माछा मरेपछि आफूले निकै घाटा व्यहोरेपछि बीमातर्फ ध्यान गएको बताउनुभयो ।   अहिले माछा मरे पनि लगानीको ९० प्रतिशत मूल्याङ्कनको आधारमा बीमा रकम पाइन्छ, जोखिम ज्यादै कम छ उहाँले भन्नुभयो तर जिल्लाका ८० प्रतिशत माछापालक कृषकहरूले बीमाको महìव नबुझेकै कारण लाखौंको घाटा व्यहोर्नु परेको उहाँको भनाइ छ ।   “राज्यले उपलब्ध गराएको सहुलियतबारे उनीहरूलाई थाहै छैन, बुझाएमा पक्कै बीमा गर्न आउँछन् ”उहाले भन्नुभयो ।    
पशु बीमा गर्दा कुनै कारणबाट पशुको मुत्युभएमा बीमाले सो पशुको बीमा रकमको ९० प्रतिशत रकम किसानलाई दिन्छ तर पशु बीमाको थोरै रकम पनि बुझाउन हिचकिच्याएपछि बेलाबेलामा ठूलै नोक्सान व्यहोर्न कृषक बाध्य छन् ।   
“कृषकले एक लाख रुपियाँको बीमा गर्दा उसले मात्र एक हजार दुई सय ५० रुपियाँ बुझाउनुपर्छ, बाँकी सरकारले व्यहोर्छ” पुश कार्यालय प्रमुख यादवले भन्नुभयो ।   बेलाबेलामा हुने दैवीप्रकोप, बाढी, आगलागी, महामारी तथा विभिन्न रोगका कारण जिल्लामा बर्सेनि आठ हजारभन्दा बढी पशुको मृत्युहुने गरेको कार्यालयको भनाइ छ ।   
दूध र मासुमा कपिलवस्तु आत्मनिर्भर
दूध मासुमा कपिलवस्तु जिल्ला आत्मनिर्भर बनेको छ ।   राष्ट्रिय उप्लब्धताको आधारमा प्रतिव्यक्ति दैनिक आवश्यक पर्ने १६० मिलीलिटर दूधको तुलनामा जिल्लामा अहिले १७५ एमएल उत्पादन हुने गरेको छ ।   
यस्तै प्रतिव्यक्तिलाई वार्षिक १४ किलो मासु आवश्यक पर्छ तर राष्ट्रियरूपमा त्यसको उपलब्धता ११ केजी भए पनि जिल्लामा १४.४४ किलो उपलब्धता रहेको पशु कार्यालयले जनाएको छ ।   
 

थप समाचार
प्रतिकृया
नाम

ईमेल

ठेगना