उखु रोप्न सुरु


जयकृष्ण यादव


इनरुवा, कात्तिक २६ गते ।   सुनसरीको दक्षिणवर्ती क्षेत्रमा उखु रोप्ने  कार्य सुरु भएको छ ।  जिल्लाको बर्जू गाउँपालिकामा देशकै दोस्रो ठूलो सुगर मिल रहेका कारण सुनसरीमा उखु रोप्ने कार्य सुरु भएको हो ।   यहाँ उखुको उत्पादन प्रत्येक वर्ष घट्दैगएकाले मिल प्रशासन र साझेदारहरूले उखु खेती बढाउनतर्फ अग्रसर भएर लागेका छन् ।  
जिल्लामा इस्टर्न सुगर मिल, अमाहीवेलाहा स्थापना भएदेखि नै करिब दुई दशक यता उखुको खेती हुँदैआएको छ ।  पछिल्लो केही वर्ष यता उखु खेती विभिन्न कारणले घट्दो क्रममा रहेकाले अमडुवा फार्म तथा मिलकै साझेदारले उखु खेती सुरु गरेको बताइएको छ ।   ukhu
एकहप्ता यता बर्जू गाउँपालिका–४, रामगञ्जवेल गछियामा गोल्छा कम्पनीका मजदुरले उखु रोपाइँ गरिरहेको स्थानीय  लाली चौधरीले बताउनुभयो ।  केही वर्षदेखि धान खेती गर्दैआएका किसानले समेत तीन वर्षपछि फेरि उखु खेती सुरु गरेको चौधरीले बताउनुभयो ।  इस्टर्न सुगर मिल २०५३ सालमा स्थापना भए यता उखु खेतीतर्फ किसानको आकर्षण बढ्दो क्रममा रहेको भए पनि दुई वर्ष यता ओरालो लागेको खेती यस वर्षदेखि उकालो लाग्ने  अनुमान गरिएको छ ।
जिल्लामा आर्थिक वर्ष २०७२÷७३ मा तीन हजार ८५५ हेक्टर क्षेत्रफलमा उखु खेती भएकोमा गएको आर्थिक  वर्षमा १८ सय हेक्टर क्षेत्रफलमा सीमित भएको थियो ।  यस पटकदेखि घट्दो क्रममा रहेको उखु खेती बढाउनका लागि  स्थानीयवासी र मिल प्रशासन आफै लागेको बताइएको छ ।  जिल्लामा  मिल सञ्चालनमा आएपछि दैनिक तीन हजार मेट्रिक टन उखु पेल्न सक्ने क्षमता रहेको भएपनि उखु खेती नै घटेपछि सिजनमा मिलका लागि उखु अभाव हुने गरेको छ ।  यता फरक प्रसङ्गअनुसार  जिल्लाका उखु बिक्री गरेको भुक्तानी लिन अझै बाँकी रहेको कृषकले गुनासो  गरेका छन् ।  
 

थप समाचार
प्रतिकृया
नाम

ईमेल

ठेगना