विकास र समृद्धिको सपना

Prakash silwalप्रकाश सिलवाल

गुल्मीको मुसिकोट नगरपालिका, बाँडगाउँकी विष्णुकुमारी विकलाई निर्वाचनमा कसले जित्छ भन्ने कुरा त्यही महŒव लाग्दैन, जति महŒव कसले जितेमा आफ्नो गाउँघरका लागि के विकास गर्छ भन्नेमा लाग्छ ।  
‘प्रतिनिधिसभा र प्रदेशसभा’ सदस्य निर्वाचनको पूर्वसन्ध्यामा के कति दल र उम्मेदवारले मत माग्न आए ? भन्ने प्रश्नमा विक शुरुमै खुलिनन् ।  सामान्य ग्रामीण परिवारकी महिला भए पनि उनी राजनीतिक कुरै नबुझ्ने खालकी भने होइनन् तर नचिनेका मान्छेको प्रश्नको उत्तर उनले भटाभट दिन चाहिनन् ।  नचिनेका मान्छेसँग खुलेर कुरा गर्न नचाहे पनि पानी मगाएर अँगेनामा बसेर ‘तपाईंलाई के भइदियो भने यहाँ विकास हुन्छ ? के के आवश्यकता छ ? हामी पत्रकारहरू हो, अथवा हामी तपाईंका कुरा दल र उम्मेदवारलाई पु¥याइदिन्छौँ भनेर भलाकुसारी गरेपछि उनी बिस्तारै खुल्न थालिन् । ’
स्थानीय उम्मेदवार गोकर्ण विष्टले ऊर्जामन्त्री हुँदा राम्रै काम गरेको पनि उनले थाहा पाएकी रहिछिन् तर उनी एमाले वा कुनै दलको कार्यकर्ता होइनन् ।  
उनले के मा मत हाल्छिन् वा पहिला के मा हालेको भनेर हामीले सोधिहाल्ने आँट गरेनौँ तर गुल्मी जिल्लामा कुन दल वा उम्मेदवारको प्रभाव छ भनेर जान्ने हाम्रो हुटहुटी थियो ।  हालैको मत परिणाममा नेकपा (एमाले) का नेता विष्टले जितेको यो क्षेत्रमा विष्णुकुमारीले उल्टै सोधेकी थिइन्, ‘उनले भत्ता बढाउँछु भनेका छन् साँच्चिकै बढ्ला त ?’
विष्णुकुमारीलाई मुख्य समस्या खानेपानीको छ ।  उनको मात्र होइन नेपालका धेरै दूरदराजका गाउँमा खानेपानीको मुख्य समस्या छ ।  दुई घण्टासम्म उकालो ओरालो गरेर पानी ल्याउनुपर्छ ।  बुहारीहरू कहिलेकाहीँ बिहान चारै बजे उठेर पानी लिन जाँदा पनि पालो कुरेर गाग्री भर्नुपर्छ ।  साना–साना बच्चाहरू ममी नदेखेपछि रुन्छन्, हेर्न गाह्रो हुन्छ ।  ‘के यी उम्मेदवारले पानी लिफ्टिङ गरेर मुसिकोट डाँडोसम्म ल्याउँलान् त ?’ विष्णुकुमारीको यो प्रश्नको उत्तर पनि हामीले दिन सकेनौँ ।  यति मात्र भन्यौँ, ‘स्थानीय निकायले पनि पूरा गर्न सक्ला यो काम त, अर्काे कुरा सांसद हुनेवालाले पनि बचन दिएका छन् भने पानी तपाईंको आँगनमा आउनुपर्छ । ’
हामीले आफूहरू कुनै दलमा मत दिनुपर्ने भन्ने आग्रह नगरेपछि उनले यसअघिको निर्वाचनमा आफ्ना परिवारका चार सदस्यमध्ये दुई–दुई मत बाँडेर दुई फरक–फरक दललाई हालेको रोचक कुरा सुनाइन् ।  उनले सोझो शैलीमा भनिन्, ‘ढाँट्न जादिन्नँ, घराँ बुहारीहरूसहित चार जना छौँ, दुई जनाले एउटा पार्टी र दुई जना अर्को पार्टीलाई भोट दिएका हौँ, अब यसपालि सोचिसकेको छैन । ’ उनको यो इमानदार भनाइबाट लाग्यो, जनता भनेको विष्णुकुमारी जस्तै हुन् ।  निर्णायक मत पनि यिनै हुन्छन् ।  उनीहरूको अरू स्वार्थ छैन, मात्र विकास र समृद्धि ।  
त्यसदिन साँझ हामी जिल्लाको क्षेत्र नं. २ का उम्मेदवार विष्टको चुनावी कार्यक्रम हुने स्थल इस्मामा जाँदै थियौँ ।  बाटोको यो रोचक कुराकानी उनलाई पनि अवगत गरायौँ ।  ‘जनताले अझै निर्णय गरिसकेका छैनन् ।  कसरी विश्वस्त पार्नुहुन्छ ?’ भनेर प्रश्न पनि गरियो ।  विष्टले गम्भीर भएर भने, ‘म जनतासँग नजिक छु, उनीहरूको चाहना पूरा गर्नु नै मेरो अभीष्ट हो विष्टले भनेका थिए ।  सडक, खानेपानी, शिक्षा र स्वास्थ्यका उनका अनगिन्ती योजना पनि जनताका बीचमा प्रस्तुत भएका छन् ।  अब काम गर्ने चुनौती उनमा थपिएको छ ।  विगतमा ऊर्जा मन्त्रीका रूपमा प्रचार कमाएका उनले अब जनताका धेरै अपेक्षा सम्बोधन गर्नुपर्ने जिम्मेवारी थपिएको छ ।  
नभन्दै विष्टले नेपाली काँग्रेसका चन्द्रबहादुर केसीलाई राम्रै मतान्तरले पराजित गरेका छन् ।  यसअघि पनि विष्टले त्यहाँ जितेका हुन् ।  वाम गठबन्धनले जिल्लाका दुवै क्षेत्र र प्रदेशसभाका एकलौटी जित हासिल गरेको छ ।  पूर्वाधार विकास र सामाजिक काममा केही प्रगति भए पनि जनताका नयाँ–नयाँ आवश्यकता र चाहना बढिरहेका छन् ।  जनताको अपेक्षा समयअनुसार बढ्नु स्वाभाविक पनि हो ।  विगतमा तीन क्षेत्र भएको गुल्मीमा हाल दुई क्षेत्र भएकाले पनि जनतालाई नेता र नेतालाई जनता चिन्न केही समय लाग्ने देखिन्छ ।  हो सबै जिल्लाको समस्या हुनुपर्छ ।  जनताले नेताको अनुहार वा अरू माया खोजेका छैनन् ।  विकास र समृद्धि तथा स्थिरता खोजेका छन् ।  यो जनताले विवेक पु¥याएको एउटा स्थिति हो ।  जनताले न्याय गरेका कारण नवनिर्वाचित नेताहरूले बुझेकै हुनुपर्छ ।  यो बुझाईलाई कार्य रूपमा ल्याउन ढिलाइ भएमा जनतामा निरासा उत्पन्न हुन खतरा उत्तिकै छ ।  अरू जिल्लाको हकमा पनि सायद यही कुरा लागू हुन्छ ।  
निर्वाचन परिणामबाट देशभर दुईतिहाइ नजिक मत ल्याएका वाम गठबन्धनले जितको उन्माद र सत्ता स्वार्थमा नअल्मलिइ विष्णुकुमारीका सपना र चाहनालाई इमानदार भएर पूरै गर्नैपर्छ, अन्यथा अर्काे पटक उनीहरूले ‘खोइ हामीले कसलाई मत दिएर पो हामीलाई के हुने रहेछ र ?’ भन्दै राजनीतिक प्रणाली र लोकतन्त्रप्रति नै अनास्था बढाउन सक्छ ।  नयाँ–नयाँ दल उम्मेदवार खोज्न थाल्ने छन् ।  निर्वाचनले दलहरूको अवस्थामा आमूल परिवर्तन गरिदिन्छ ।  विगतको निर्वाचनबाट पनि हामीले यसको अनुभव गरेको हो ।  यसपटक पनि दलहरूको फरक खालको उपस्थिति देखिएको छ ।  निर्वाचनमा नेपाली काँग्रेस अव प्रतिपक्षी भूमिकामा पुगेको छ तर निर्वाचनको परिणामकै आधारमा धेरै विचलित हुनुपर्ने अवस्था देखिँदैन ।  मूल कुरा जनतालाई केन्द्रबिन्दुमा राखेर अगाडि बढ्न सक्नु गर्नुप¥यो ।  जनअपेक्षाको सम्बोधन गर्नुप¥यो ।  

प्रकाशित मिति: २०७४/८/२६

थप समाचार
प्रतिकृया
नाम

ईमेल

ठेगना