आलु र टमाटरमा ५० प्रतिशत क्षति

नेपालगञ्ज, पुस २९ गते । बाँकेको अधिकांश खेतबारीमा लगाइएको आलु र टमाटरमा डढुवा रोग लागेर दुवै तरकारीमा ५० प्रतिशत जति क्षति पुगेको छ । जिल्ला कृषि विकास कार्यालयका अनुसार डढुवा रोगले ठूलो क्षति पु¥याएकोले यस वर्ष उत्पादन धेरै घट्ने छ । 

बाक्लो हुस्सुसँगै निरन्तर चलेको शीतलहरले खेतबारीमा लगाइएको टमाटर र आलुमा डढुवा रोग लागेकोले यस वर्ष उत्पादन विगतभन्दा धेरै घट्ने जिल्ला कृषि विकास कार्यालय बाँकेले जनाएको छ ।
जिल्ला कृषि विकास कार्यालयका बाली संरक्षण अधिकृत सकिल अहमद खाँका अनुसार डढुवा रोगले आलु र टमाटरखेतीमा करिब ५० प्रतिशत जति क्षति पु¥याएको छ । डडुवा रोगले खजुरा, डुडुवा गाउँपालिका र राप्तीसोनारी गाउँपालिकामा सबैभन्दा बढी हानी भएको जानकारी आएको बाली संरक्षण अधिकृत खाँले बताउनुभयो । बाँकेका डुडुवा, राप्ती–सोनारी, खजुरा, जानकी गाउँपालिका, कोहलपुर नगरपालिका र नेपालगञ्ज उपमहानगरपालिकाको विभिन्न स्थानमा आलु र टमाटरको व्यावसायिक खेती हुँदै आएको छ ।
बाँकेमा यो वर्ष दुई हजार ८७० हेक्टर क्षेत्रफलमा आलुखेती गरिएको छ । सात सय हेक्टरभन्दा बढी क्षेत्रफलमा टमाटरखेती गरिएको जिल्ला कृषि विकास कार्यालयले जनाएको छ ।
फल नलाग्दै डडुवा रोगले आलु र टमाटर सखाप भएपछि बाँकेमा यो वर्ष आलु र टमाटर उत्पादनमा निकै कमी आउने भएको छ । ‘फल लाग्ने बेला डडुवा रोगको प्रकोपले आलु र टमाटर मरेकोले उत्पादनमा कमी आउने देखिन्छ,’ बाली संरक्षण अधिकृत खाँले भन्नुभयो
उहाँले बाँकेका किसानले आलु र टमाटरको व्यावसायिक खेती गर्न थालेपछि भारतमाथिको परनिर्भरता कम हुँदै गएको भए पनि यस वर्ष उत्पादन घट्ने भएकोले समस्या हुनसक्ने बताउनुभयो ।
शीतलहर र हुस्सुका कारण १५ कठ्ठा जमिनमा लगाएको आलु र टमाटर डडुवा रोगले क्षति पु¥याएको खजुरा गाउँपालिका २, सीतापुरका किसान गेहेन्द्र धितालले बताउनुभएको छ । डडुवा रोगले फलेका टमाटर कुहिएको र आलुका बोट सुक्न थालेको उहाँले जनाउनुभयो ।
मिहिनेत गरेर हुर्काएको आलु र टमाटर डडुवा रोगले सखाप हुन थालेपछि किसान चिन्तित छन् । ‘बजारमा पठाउने बेला हुँदै थियो, डडुवा रोगले सखापै बनायो,’ धितालले भन्नुभयो ।
शीतलहरबाट आलु र टमाटर जोगाउन मुस्किल परेको तरकारी पकेट क्षेत्रको रूपमा चिनिएको डुडुवा गाउँपालिका–३, हिरमिनियाका किसान रामनरेश यादवले बताउनुभयो । उहाँले औषधि छर्किंदासमेत आलु र टमाटर जोगाउन नसकेको बताउनुभयो । किसानले लगाएको आलु र टमाटरलाई रोगले असर गरेपछि बाँकेलगायतका जिल्लामा यस आलु र टमाटर अभाव हुने भएको छ । कम उत्पादन भएकोले महँगो हुने पनि व्यवसायीको भनाइ छ ।

थप समाचार
प्रतिकृया
नाम

ईमेल

ठेगना


Copyright © 2014, Gorkhapatraonline.com. All rights reserved. | Developed by: Young Minds