सघन उपचार नर्सहरूका लागि प्रशिक्षक प्रशिक्षण शुरु

 

गोरखापत्र समाचारदाता-
काठमाडाँै, माघ १४ गते । टोखास्थित ग्राण्डी अन्तर्राष्ट्रिय अस्पतालमा सघन उपचार नर्सहरूका लागि प्रशिक्षक प्रशिक्षण शुरु भएको छ ।nurse
नेपालमा क्रिटिकल केयरलाई थप प्रभावकारी बनाउने उद्देश्य सहित नेपाल क्रिटिकल केयर नर्सेस एसोसिएसनसँगको सहकार्यमा सचालित तालिममा विभिन्न चरणका छनौट परीक्षा उतीर्ण गरेर आएका २० जना नर्सहरुको सहभागिता रहेको छ ।
चरणवद्ध रुपमा संचालन हुने चार महिनालामो यस प्रशिक्षणबाट सघन उपचार नर्सिङ प्रशिक्षकका रुपमा प्रमाणपत्र प्राप्त गर्नेछन् । ग्राण्डी अन्तर्राष्ट्रिय अस्पतालका नर्सिङ उपनिर्देशक तथा नेपाल क्रिटिकल केयर नर्सिङ्ग एसोसिएसनकी एक्रिडेसन बोर्ड सदस्य लक्ष्मी केसीले प्रमाणपत्र पाएका नर्सहरूले देशभर सघन उपचार नर्सहरुका लागि प्रशिक्षक प्रशिक्षण संचालन गर्ने जानकारी दिनुभयो । त्रिभुवन विश्वविद्यालयल शिक्षण अस्पतालसँगको सहकार्यमा रोयल कलेज अफ क्यानडाबाट आएको टोलीले पहिलो ब्याचमा १० जना नर्सलाई नर्स एजुकेटर तालिम दिएको हो ।
उहाँले सघन उपचार कक्ष अर्थात आईसियूका विभिन्न लेभल हुने जानकारी दिनुभयो । लेभल १, लेभल २ र लेभल ३ मध्ये लेभल ३ मा सबैभन्दा जोखिममा रहेका बिरामीहरुको उपचार गरिन्छ । आईसियुमा एकजना बिरामीलाई एकैजना नर्सको आवश्यकता पर्छ र आईसियुभित्र नै एक कन्सल्ट्यान्ट चिकित्सक समेत चाहिन्छ । तर, नेपालका अधिकांश अस्पतालहरुमा त्यस्तो व्यवस्था गर्न सकिएको अबस्था छैन ।

थप समाचार
प्रतिकृया
नाम

ईमेल

ठेगना