एमाले र माओवादी एकीकरण कार्यदलको काम अन्तिम चरणमा

लक्की चौधरी

 

काठमाडौं, फागुन २५ गते । नेकपा (एमाले) र माओवादी केन्द्रको एकीकरणपछि बन्ने पार्टीको अन्तरिम विधान तथा संगठनात्मक संरचना निर्माण गर्न गठित कार्यदलले आफ्नो गृहकार्य अन्तिम चरणमा पु¥याएको छ ।
नेकपा (एमाले) को मुख्यालय धुम्बाराहीमा फागुन १५ गते बसेको बैठकले कार्यदलको कामलाई चुस्त बनाउन दुईवटा छुट्टाछुट्टै उपसमिति गठन गरेको थियो । उपसमितिले तयार गर्ने प्रतिवेदनका आधारमा बाँकी छलफल र निर्णय गरिने कार्यदलका सदस्यले बताउनुभएको थियो ।
कार्यदलले पार्टी एकताका लागि अन्तरिम विधान र संरचनासहितको प्रतिवेदन तयार गर्न ढिलाई गरेपछि पार्टी एकताको समयसमेत लम्बिने देखिएको छ । यसअघि आगामी चैत पहिलो साताभित्र पार्टी एकता घोषणा गर्ने नेताहरुले बताए पनि त्यस्तो सम्भावना कम देखिएको छ ।
कार्यदलका सदस्य एमालेका सचिव गोकर्ण विष्टकाअनुसार गृहकार्यकालागि गठित उपसमितिले प्रतिवेदन बुझाएको छ ।
अन्तरिम विधानको खाका तयार गर्न नेता वर्षमान पुन र वेदुराम भुषाल रहेको उपसमिति गठन गरिएको थियो । उपसमितिले आवश्यक गृहकार्य गरी कार्यदलमा आफ्नो खाकासहितको प्रतिवेदन बुझाएको छ ।
त्यस्तै, संगठनात्मक संरचनाको खाका तयार गर्न नेताहरु गोकर्ण विष्ट र गिरिराजमणि पोखरेललाई जिम्मेवारी दिइएको थियो । दुवै उपसमितिले कार्यदलमा प्रतिवेदन बुझाएपछि शुक्रबार थप छलफल गर्न कार्यदलको बैठक आव्हान गरिएको नेता विष्टले बताउनुभयो ।
यसअघि फागुन ७ गते सातबुँदे प्रारम्भिक एकताको आधारपत्रमा सहमति गरेका दुई दलका अध्यक्ष केपी शर्मा ओली र पुष्पकमल दाहाल ‘प्रचण्ड’ले फागुन २५ गतेभित्र नयाँ बन्ने पार्टीको अन्तरिम विधान तथा संगठनात्मक संरचना र राजनीतिक प्रतिवेदन तयार पार्ने छुट्टाछुट्टै दुईवटा कार्यदल गठन गर्नुभएको थियो । KP-oli-Prachanda
राजनीतिक प्रतिवेदन तयार गर्न एमाले वरिष्ठ नेता माधवकुमार नेपाललाई संयोजक तोकिएको छ । त्यस्तै, अन्तरिम विधानको मस्यौदा तथा संगठनात्मक संरचना निर्माण कार्यदलको संयोजकको जिम्मेवारी माओवादी नेता रामबहादुर थापा ‘बादल’लाई दिइएको छ । दुवै कार्यदलमा १०–१० जना सदस्य हुनुहुन्छ ।
एमाले नेता तथा कार्यदलका सदस्य सुरेन्द्र पाण्डेकाअनुसार कार्यदलले पाएको जिम्मेवारीअनुसार काम भइरहेको भए पनि अध्यक्षद्वयले दिएको समयसीमाअनुसार २५ गते नै कार्यदलको काम नसकिने बताउनुभयो ।
‘नेताहरुको आन्तरिक व्यस्तताका कारण कार्यदलले गर्ने काम समयमा नसकिने भयो, पाण्डेले भन्नुभयो, तीन दिनपछि कार्यदलले आफ्नो पूर्ण प्रतिवेदन दिनेछ । नेता वादल संयोजकत्वको अन्तरिम विधान निर्माण गर्ने कार्यदलमा एमालेबाट ईश्वर पोखरेल, विष्णु पौडेल, गोकर्ण विष्ट, वेदुराम भुषाल, सुरेन्द्र पाण्डे र रघुवीर महासेठ सदस्य रहनुभएको छ । त्यस्तै, माओवादी केन्द्रबाट गिरिराजमणि पोखरेल, जनार्दन शर्मा, मातृका यादव र वर्षमान पुन सदस्य हुनुहुन्छ ।
नेता नेपाल संयोजकत्वको राजनीतिक प्रतिवेदन निर्माण कार्यदलमा भीम रावल, प्रदीप ज्ञवाली, सुवासचन्द्र नेम्वाङ, रघुजी पन्त, नारायणकाजी श्रेष्ठ, देव गुरुङ, शक्तिबहादुर बस्नेत, पम्फा भुषाल र देवेन्द्र पौडेल सदस्य रहनुभएको छ ।
दुवै कार्यदलले आफ्नो जिम्मेवारीअनुसार प्रतिवेदन तयार पारेपछि पार्टी एकता संयोजन समितिको बैठक बस्ने नेताहरुले बताउनुभएको छ । एकता संयोजन समितिको बैठक दुवै दलका अध्यक्षको उपस्थितिमा बस्दै आएको छ ।

थप समाचार
प्रतिकृया
नाम

ईमेल

ठेगना