गुणस्तरीय विज्ञान शिक्षाको लागि प्राकृतिक विज्ञान सङ्ग्राहालयको भूमिका

Natural museum_1

गोरखापत्र समाचारदाता-
काठमाडौं, चैत २ गते । त्रिभुवन विश्वविद्यालयको प्राकृतिक विज्ञान सङ्ग्राहालयले एकदिने विज्ञान शिक्षक सम्मेलन आयोजना गरेको छ ।
यहाँस्थित स्वयम्भुमा रहेको हलमा शुक्रबार आयोजित सम्मेलनमा राजधानीका करिब तीसवटा विद्यालयले शिक्षक शिक्षिकाहरुले भाग लिनु भएका थिए ।
‘विद्यालयहरुमा गुणस्तरीय विज्ञान शिक्षाको लागि प्राकृतिक विज्ञान सङ्ग्राहालयको भूमिका’ विषयमा प्राकृतिक विज्ञान सङ्ग्राहालयका प्रमुख प्राडा धर्मराज डंगोलले कार्यपत्र पेश गर्नुभयो ।
काठमाडौं महानगरपालिका १५ नम्बर वडाध्यक्ष ईश्वरमान डंगोलले ‘अफ्रिकन भ्वाइलेट’ नामको फूलमा पानी दिएर उक्त सम्मेलन शुरु भएको थियो ।
प्राकृतिक विज्ञान संग्राहालया देशविदेशबाट संग्रह गरिएका जीव, बोट, जीवाशेषलगायत प्रयोगात्मक शिक्षा, विधि भएकाले विज्ञान शिक्षालाई थप गुणस्तरीय बनाउन सकिने धारणा प्रमुख प्राडा डंगोलले बताउनुभयो ।
नेपालमा अझैं पनि ब्यवस्थित रुपमा विज्ञान विषयमा पठनपाठन हुन नसकेको परिस्थितिमा प्राकृतिक विज्ञान सङ्ग्राहालयलाई हरेक विद्यालयले प्रयोगात्मक शिक्षाको लागि उपयोग गर्न सकिने धारणा उहाँले राख्नुभयो ।
त्रिचन्द्र क्याम्पसका प्राडा सुमन भट्टाराईले विज्ञान विषयमा स्नातकोत्तर गर्ने विद्यार्थीहरुलाई नै वास्तविक विज्ञानबारे थाहा नभएको बताउनुभयो ।
कार्यपत्रमाथि प्राडा रामकृष्ण महर्जन र सहप्राडा कृष्णभक्त महर्जनले टिप्पणी गर्नुभयो ।
कार्यक्रम सङ्ग्राहालयका चित्रकार राजमान महर्जनले सञ्चालन गर्नुभएको थियो ।

थप समाचार
प्रतिकृया
नाम

ईमेल

ठेगना