पहिचान भनेकै यहाँको कला र संस्कृति - सिजन श्रेष्ठ

season shrestha

गोरखापत्र समाचारदाता-
काठमाडौं, चैत १९ गते । वर्ड नेवाः अर्गनाइजेसनका अध्यक्ष सिजन श्रेष्ठले नेवारको भाषा, कला, संस्कृति, रीतिथिति र पहिचान स्थापित गर्न अतिआवश्यक भएको बताउनुभएको छ ।
सोमबार यहाँस्थित वर्ड नेवाः अर्गनाइजेसन, नेपाल च्याप्टरलेसम्मान तथा वधाई ज्ञापन कार्यक्रममा अध्यक्ष श्रेष्ठले गैरआवासीय नेपाली भए पनि नेपाली मौलिक संस्कृति, कला, भाषाको संरक्षण गर्ने लगाब सँधै रहिरहने बताउनुभयो ।
उहाँले उपत्यकामा रहेका नेवार समुदायले आफ्नो कला संस्कृतिलाई जतिमात्रामा संरक्षण गर्नुपर्ने हो त्यति नगरेको देख्दा दुःखी भएको बताउँदै सम्बद्ध पक्षले नेपाल र नेपालीको पहिचानलाई संरक्षण गर्न जोड दिनुभयो ।

21 (2)
विदेशमा हामी नेपाली (नेवार)को पहिचान भनेकै यहाँको कला र संस्कृति भएको बताउँदै मौलिक कला र संस्कृति लोप भए जातिको पहिचान गुम्नै खतरा रहन्छ, उहाँले भन्नुभयो ।
गोरखापत्र दैनिकका पूर्वप्रधानसम्पादक पुष्करभक्त माथेमा, सम्मेलन आयोजक समितिका संयोजक दया शाक्य, संस्थाका नेपाल च्याप्टरका अध्यक्ष शाक्य शुरेन, महासचिव रस्मिला प्रजापतिलगायतले बोल्नुभएको थियो । तस्बिर – उपेश महर्जन

थप समाचार
प्रतिकृया
नाम

ईमेल

ठेगना