काँग्रेस बैठक वैशाख ३ मा

Nepali-congress-750काठमाडौँ, चैत २३ गते । शोकको कारण रोकिएको नेपाली काँग्रेसको बैठक अब नयाँ वर्षमा मात्र बस्ने भएको छ । नेता खुमबहादुर खड्काको यही चैत १७ गते निधन भएपछि काँग्रेस बैठक स्थगित भएको थियो । 

खड्का निधनपछि पार्टीले पाँच दिनसम्म केन्द्रीय कार्यालय बन्द गर्ने, सात दिनसम्म पार्टीको झण्डा आधा झुकाउने, १३ दिनसम्म पार्टी कार्यालय र जिल्लास्थित कार्यालयमा शोक पुस्तिका राख्ने निर्णय गरेर बैठक स्थगित गरेको थियो । यसैगरी, १३ औँ दिनको दिन जिल्ला जिल्लामा शोकसभाका लागि केन्द्रीय प्रतिनिधि पठाइने पार्टी सचिवालयले जनाएको छ । पार्टी सभापति शेरबहादुर देउवा १३औँ दिनको पुण्य तिथिमा शोकसभाका लागि दाङ जानुहुने भएको छ । शोक सभाको कार्यक्रम सकिएपछि नयाँ वर्ष २०७५ को वैशाख ३ गतेदेखि बैठक पुनः निरन्तर चल्ने पार्टीका मुख्य सचिव कृष्णप्रसाद पौडेलले जानकारी दिनुभयो ।

 

थप समाचार
प्रतिकृया
नाम

ईमेल

ठेगना