भारतीय प्रधानमन्त्री मोदी नेपाल आउनुहुँदै

narendra modiकाठमाडौँ, वैशाख १० गते । भारतीय सञ्चारमाध्यमले भारतीय प्रधानमन्त्री नरेन्द्र मोदी वैशाख २८ गते नेपाल भ्रमणमा आउने दाबी गरेका छन् । तर, परराष्ट्रमन्त्री प्रदीप ज्ञवालीले भारतीय प्रधानमन्त्री मोदीको नेपाल भ्रमणका बारेमा सामान्य जानकारी आए पनि मिति भने टुङ्गो नलागेको बताउनुभयो । 

प्रधानमन्त्री केपी शर्मा ओली भारत भ्रमणमा गएको बेला भारतीय समकक्षी मोदीलाई नेपाल भ्रमणको निम्तो दिनुभएको थियो । परराष्ट्रमन्त्री ज्ञवालीले भन्नुभयो, “मिति तोक्ने विषयमा छलफल भइरहेको छ । ”
भारतीय सञ्चारमाध्यमले भने त्यहाँको विदेश मन्त्रालयका कूटनीतिक स्रोतलाई आधार मान्दै प्रधानमन्त्री मोदी वैशाख २८ गते नेपाल भ्रमणमा जाने तय भएको समाचार सम्प्रेषण गरेका छन् ।
प्रधानमन्त्री मोदी काठमाडौँ आएपछि जनकपुर भ्रमणमा जाने कार्यक्रमसमेत तय भएको छ । यसअघि नेपाल भ्रमणमा आएको बेला प्रधानमन्त्री जनकपुर जाने कार्यक्रम तय भए पनि सुरक्षाको कारण देखाउँदै रद्द भएको थियो । मोदी भारतको प्रधानमन्त्रीमा निर्वाचित भएपछि नेपालको यो तेस्रो भ्रमण हुनेछ । पहिलोपटक १८औंँ सार्क सम्मेलनमा भाग लिनका लागि २०७१ मा उहाँ आउनुभएको थियो भने लगत्तै औपचारिक राजकीय भ्रमणमा नेपाल आउनुभएको थियो ।

थप समाचार
प्रतिकृया
नाम

ईमेल

ठेगना