पर्यटक बढाउन मौसम चिनाउँदै बोर्ड

विश्वास रेग्मी

काठमाडौँ, वैशाख १७ गते । पर्यटक आगमनको तथ्याङ्क अनुसार सेप्टेम्बर र नोभेम्बर महिनामा नेपालमा सबैभन्दा धेरै पर्यटक भित्रन्छन् । आरोहणको समय मानिने अप्रिल र मे महिना त्यसपछि धेरै पर्यटक आउने ‘सिजन’ मानिन्छ तर यसबाहेकको समयमा पर्यटक आगमन तुलनात्मक रूपमा कम रहेको अध्यागमन विभागको तथ्याङ्कले देखाउँछ । पर्यटक कम आउने यस्तै ‘नो सिजन’मा पनि अन्य समयमा जस्तै पर्यटक ल्याउन नेपाल पर्यटन बोर्डले मौसम अनुसारको पर्यटन प्रवद्र्धन गर्ने भएको छ । नेपालको मौसमलाई पर्यटकीय आधार बनाउँदै देश अनुसार प्रवद्र्धनको कार्यक्रम लागू गरिने बोर्डका प्रमुख कार्यकारी अधिकृत दीपकराज जोशीले जानकारी दिनुभयो ।
बोर्डले महिना अनुसार गर्मीयाम, वर्षात् र हिउँदमा पनि पर्यटक भित्र्याउन आकर्षक प्रचारप्रसार शैली अपनाउने तयारी गरेको हो । गर्मीयाममा बङ्गलादेश र उत्तरी भारतमा आकर्षक नारासहित नेपाल घुम्ने आग्रहसहितका कार्यक्रममा ती ठाउँमा गरिने जोशीले बताउनुभयो । गर्मीमा बसिरहेका ती ठाउँका मानिसलाई नेपालको शीतल ठाउँको प्रवद्र्धन गरेर भित्र्याउन सकिन्छ, उहाँले भन्नुभयो । बोर्डले यसअघि पनि भारतका विभिन्न ठाउँमा ‘गर्मी से बेहाल, चलो नेपाल’ भन्ने अभियान सञ्चालन गरेको थियो । ntb
नेपालमा अत्यन्त कम पर्यटक भित्रने वर्षात्को समयलाई पनि बोर्डले ‘रोमान्टिक मनसुन’ नाम दिएर विदेशी पर्यटक आकर्षित गर्ने रणनीति अघि सारेको छ । वर्षामा पनि घुम्न सकिन्छ भन्ने स्थापित गर्न यस्तो अभियान सहयोगी हुन्छ, जोशीले भन्नुभयो । काठमाडौँ र यस आसपासको क्षेत्र वर्षाको समयमा हरियाली हुने भएकोले त्यस्ता ठाउँमा पर्यटकलाई आकर्षित गर्न सकिन्छ । त्यस्तै हिउँदको समयमा पनि पर्यटकीय गन्तव्य विस्तार गरेर गर्मी छल्न खोजिरहेका पर्यटकलाई नेपाल ल्याउन सकिने उहाँको भनाइ थियो । एक हजार मिटरदेखि माथि रहेका ठाउँमा गर्मीयाम र हिउँद दुवै समयमा पर्यटक ल्याउन सकिने आधार रहेको
उहाँले बताउनुभयो ।
मौसम प्रवद्र्धनका लागि यस्ता ‘नो सिजन’मा पर्यटकलाई बढी छुट दिन सकिने जोशी बताउनुहुन्छ । यी समयमा नेपाल घुम्दा धेरै छुट पाइन्छ भन्ने सन्देश दिएर पनि पर्यटक भित्र्याउन सकिन्छ, उहाँले भन्नुभयो । पर्यटकहरू मौसमका लागि भन्ने घुूमघाममा निस्कने भएकोले ‘नो सिजन’लाई पनि पर्यटकीय समयमा परिवर्तन गर्न बोर्डले प्रवद्र्धन सुरु गर्ने उहाँले जानकारी दिनुभयो ।
यसबाहेक बोर्डले खर्चालु पर्यटक भित्रन सक्ने गन्तव्य देशको बिदाको समयलाई लक्षित गरेर नेपालको पर्यटन प्रवद्र्धनलाई थप बढाउने योजना पनि अघि सारेको छ । यसअघि चीन र दक्षिण कोरियामा त्यहाँको सार्वजनिक बिदा परेको समयमा गरिएको प्रवद्र्धन प्रभावकारी देखिएकोले यसलाई अन्य ठाउँमा पनि विस्तार गर्न सकिने उहाँले बताउनुभयो । सन् २०१७ मा टे«किङ जाने चिनियाँ र दक्षिण कोरियाली पर्यटकको सङ्ख्याले नयाँ रेकर्ड पनि कायम गरेको थियो ।

थप समाचार
प्रतिकृया
नाम

ईमेल

ठेगना