विद्युत् कटौती समस्याबाट पीडित छन् हुम्लावासी


राजन राउत

सिमकोट, जेठ १ गते । सरकारले विद्युत् कटौती (लोडसेडिङ) अन्त्य गरी इतिहास बनाउने घोषणा गरे पनि हुम्लावासी भने यो समस्याबाट आजित भएका छन् । जिल्लाका सातमध्ये चारवटा गाउँपालिकामा विद्युत् सेवा नै नपुुगेको भए पनि सेवा पुुगेका सिमकोट, खार्पुनाथ र सर्केगार्डपालिकाका बासिन्दाले भने दैनिक नौ घन्टा लोडसेडिङ समस्या भोग्दै आएका छन् ।
देशमा लोडसेडिङ समस्यामुुक्त घोषणा गरेको खबर सुुनेपछि हुुम्लावासीले पनि यो समस्याबाट कहिले मुुक्ति पाउने भनेर प्रश्न गरिरहेका छन् । सिमकोटमा साइबर पसल सञ्चालन गर्दै आउनुुभएका नन्दकुुमार सिंह भन्नुहुन्छ, “व्यवसाय नै बिजुली चाहिने प¥यो तर लोडसेडिङले हैरान भइयो । ”
विद्युत्को राष्ट्रिय ग्रिडमा नजोडिएको हुम्लामा सिमकोट र खार्पुनाथ गाउँपालिकामा विद्युत् सेवा छ तर विद्युत् सेवा आपूर्ति गर्दै आएको हिल्दुुम साना जलविद्युत् आयोजनाले हाल दैनिक सातदेखि नौ घन्टासम्म लोडसेडिङ गर्दै आएको छ ।
विद्युत् नहुँदा काम गर्न असहज भएपछि सिंहले दुखेसो गर्दै भन्नुभयो, “हामीकहाँ कहिले बिजुलीको समस्या समाधान हुने होला ?” कामको अर्डर आए बत्ती आउने समय कुुरेर पर्खनुुपर्ने र लोडसेडिङको समय तालिका पनि निश्चित नहुुँदा कुुरेर बस्नुुको विकल्प नभएको उहाँले बताउनुुभयो ।
दाउरा प्रयोग महँंगो भएका कारण खाना पकाउन पनि बिहान ४ बजे नै उठ्नुुपर्ने बाध्यता रहेको सिमकोट–५ का बजारवासी हिक्मत सिंहले बताउनुुभयो । कहिले पाइप फुट्ने त कहिले प्राविधिक समस्या आउने भएर पनि विद्युत्मा नियमितता हुनसकेको छैन । humla
“यो विद्युुुत्को भर नै छैन, अब यसको विकल्प खोज्नुुपर्नेछ,” नेकपा (एमाले) जिल्ला कमिटीका सचिव तीर्थराज रोकायाले बताउनुुभयो । दैनिक नौ घन्टासम्म लोडसेडिङ र हप्तामा चार दिन जति त पाइप फुुट्ने समस्याले गर्दा सिमकोट र खार्पुुनाथ गाउँपालिकाका बासिन्दा समस्यामा रहेको उहाँले बताउनुुभयो ।
विसं २०६४ जेठ १४ गतेबाट सञ्चालन भएको आयोजना सम्पन्न गर्न २१ करोड रुपियाँ बजेट खर्च भएको आयोजनाले जनाएको छ । पावर हाउसमा रहेका १८१ वटा ब्याट्री काम नलाग्ने अवस्थामा छन् ।
करिब ८० घनमिटर क्षमताको फर्बे ट्याङ्की पनि धेरै ठाउँमा चुुहिने गरेको अर्का प्राविधिक कलकबहादुुर बोहोराले बताउनुुभयो । हाल टालटुुल गरेर काम गर्दा दैनिकजसो पाइप फुुट्दा काम गर्नै गाह्रो भएको उहाँले बताउनुुभयो ।
सञ्चालनमा आएको चार वर्षपछि मर्मत सुुरु गर्न थालिएको आयोजनाका पेनस्टिक पाइप फेर्न दुुई वर्षअघि पाइप खरिद तथा ढुवानीका लागि बोलपत्र आह्वान भएर पावर हाउसमा पाइप आएको भए पनि त्यसको जडानतर्फ आयोजना लागेको देखिँदैन । ती पाइप पावर हाउसमा बेवारिसे अवस्थामा छन् । ठेकेदारको काम गतिलो नदेखेर नै जिल्लाको सर्वपक्षीय बैठकले हालको हिल्दुुम जलविद्युत् आयोजनालाई उपभोक्ताबाट पाइपलाई पुुनःस्थापन गर्ने निर्णय गरेर फाइल केन्द्रमा पठाएको भए पनि काम हुन नसकेकोे उपभोक्ता समितिले जनाएको छ ।
यता एक सय किलोवाटको तल्छडी विद्युत् अयोजनाले पनि सर्केगार्ड गाउँपालिकाको सातवटा वडामा बेलुुका ६ बजेदेखि बिहान ६ बजेसम्म मात्र विद्युत् उपलब्ध गराउँदै आएको छ । दिउँसोभरि त्यहाँका बासिन्दा विद्युत्बाट वञ्चित हुुँदै आएका छन् । यता चंखेलीको समस्या पनि योभन्दा फरक छैन । अदानचुुली, ताँजाकोट, नाम्खा गाउँपालिकामा त विद्युत् नै छैन ।

 

थप समाचार
प्रतिकृया
नाम

ईमेल

ठेगना