शवदाहका सामग्रीमा पनि ठगी !

काठमाडौँ, जेठ ६ गते । आर्यघाटमा शवदाहका सामग्री बिक्री गर्ने दुई संस्थाबीच एकै प्रकारको सामानको मूल्यमा ठूलो अन्तर पाइएको छ । घाट व्यवस्थापन समिति र पशुपति सहकारी संस्थाले शवदाह तथा किरियापुत्रीका 

लागि आवश्यक सामान बिक्री गर्दै आएका छन् ।
चितामा राखिने चँदुवालाई समितिले दुई हजार पाँच सय लिने गरेको छ भने सहकारीले आठ सय रुपियाँमा चँदुवा दिने गरेको छ । एक मुठा दाउरालाई कतै साठी त कतै सत्तरी रुपियाँ लिने गरिएको छ । पराल कल्ली, बाँस गोटा र घिउ पनि मूल्य फरकफरक रहेको छ । चितामा राख्ने घोचा लिङ्गालाई समितिले एक हजार र सहकारीले यही लिङ्गा तीन सय पैँसठ्ठी रुपियाँमा बिक्री गर्ने गरेको छ ।
सेतो धोती, कपडा, रुमाल र परालको चप्पलमा पनि यी दुई बिक्रेताबीच रकममा ठूलो अन्तर रहेको छ । सहकारीको बिक्री मूल्य समितिको भन्दा निकै कम छ । पशुपति क्षेत्र विकास कोषका कार्यकारी निर्देशक रमेश उप्रेतीले सामान बिक्री मूल्यमा एकरूपता हुन आवश्यक रहेको बताउनुभयो ।
शव जलाउँदा अनावश्यक रूपमा घिउ, दाउरा थपेर बिक्री मूल्य बढाउने गरेको आरोप घाट व्यवस्थापन समितिलाई लागेका छ । बिल नं ३४३५ का एक मृतकको नाममा ५६ हजार रुपियाँसम्मका सामग्री शवदाहमा प्रयोग भएको अभिलेख घाट व्यवस्थापन समितिसँग छ । सहकारीले यही सामग्रीको प्रयोग २५ हजारसम्ममा गर्न सकिने जनाएको छ ।
शव जलाउने मजदुर नाइके चन्द्र ढकालले दुवै संस्थाबीच मूल्यमा खासै अन्तर नभएको तर केही सामग्रीमा भने फरक भएको पाइएको बताउँदै त्यस्तो गर्न नहुने बताउनुभयो ।

थप समाचार
प्रतिकृया
नाम

ईमेल

ठेगना