‘मनोरन्जन र रेष्टुराँ’ सेवाका नाममा लुट

thamel_eHGoJmmV8Fकाठमाडौंँ, जेठ १२ गते । राति मनोरन्जन र रेष्टुराँको सेवा लिन ठमेल र दरवामार्ग क्षेत्रमा सञ्चालित डान्स, डिस्को र दोहोरी जाँदै हुनुहुन्छ भने होशियार ! लुटिनु र कुटिनु होला । त्यहाँ सञ्चालित रेष्टुराँहरूले ग्राहकसँग ‘ओभर बिलिङ’ ( चर्को मूल्य) असुल गर्ने र पैसा नतिरेमा अपहरण शैलीमा बन्धक बनाई कुटपिटका साथै लुटपाट गर्ने गरेको पाइएको छ ।
महानगरीय प्रहरी वृत्त दरवारमार्गका प्रमुख प्रहरी नायव उपरीक्षक दानबहादुर मल्लले ठमेल र दरवारमार्ग क्षेत्रमा सञ्चालित डान्स, डिस्को र दोहोरी रेष्टुराँमा सेवा लिन आउनेहरूलाई होशियार हुन आग्रह गर्नुभयो ।
केही दिनअघि ठमेलमा रहेको नाइट फेवा रोधीमा दुईजना सञ्चारकर्मी कुटिएको घटना स्मरण गराउदै उहाँले भन्नुभयो,‘ सेवा लिन दोहोरी गएका सञ्चारकर्मीमाथि विलको विषयलाई लिएर आक्रमण भयो । ’
दोहोरीमा एकहाफ खुकुरी रम मदिरा, एक सट मिनी हुक्का र एक प्लेट चिकेन खाएको देखिन्छ’ वृत्त प्रमुख मल्लका अनुसार त्यति खानेकुराका रेष्टुराँ सञ्चालकले साढे पाँचहजारको विल थमाए । यतिको खाएको छैनभन्दा उल्टै कुटपिट गरे ।
ग्राहकलाई ओभर विल बनाइ लुटपाट र कुटपिट गर्ने नाइट फेवा दोहोरीका सञ्चालक र कर्मचारीलाई पक्राउ गरी कारवाही गर्नुका साथै सञ्चारकर्मीबाट लुटिएको पाँचहजार रुपियाँ फिर्ता गराउन लगाएको जानकारी पनि उहाँले दिनुभयो ।
रातिको समयमा मनोरन्जन गर्न आउने ब्यक्तिलाई सडकबाट फकाइ फुलाई रेष्टुराँसम्म लैजाने, बढी विल देखाइ अपहरण शैलीमा बन्धक बनाई लुटपाट र कुटपिट गर्ने १२ वटा भन्दा रेष्टुराँलाई कारवाही गरिएको उहाँले बताउनुभयो ।
ठमेलको आधा भाग दरवारमार्ग प्रहरीको क्षेत्राधिकारभित्र पर्ने भएकाले अपराध जन्य क्रियाकलापसँग संलग्न ब्यक्तिलाई पक्राउ गर्न समस्या पर्नेगरेको छ । दरवारमार्ग वृत्त प्रमुख मल्लले यस्ता रेष्टुराँहरुमा नेपालीभन्दा भारतीय नागरिक बढी ठगिने र लुटिने गरेको जानकारी दिनुभयो ।
दरवारमार्गमा रहेको नाइटमहल र जेडिएस नाम गरेको दुईटा डान्स रेष्टुराँले पटक–पटक गरी ५० भन्दा बढी भारतीय नागरिकलाई ठग्नुका साथै लुटपाट र कुटपिट गरेको जानकारी दिनुभयो ।
उहाँका अनुसार न्यूफोकस डान्स वार, किङ शो डान्स वार, नाइट क्वीन रेष्टुराँ, आलिशान रेष्टुराँ यस क्षेत्रका सबैभन्दा बढी लुटपाट र ठगी गर्ने रेष्टुराँ हुन् । उहाँले रेष्टुराँमा भएका ठगी र लुटपाटका १२ वटा घटनामा संलग्न करीव ३० जनालाई पक्राउ गरी कारवाही गरिएको बताउनुभयो ।
उनीहरूले ठगी धन्दा नछोडेको भनाइ उहाँको छ । दरवारमार्ग क्षेत्रमा करिव २० वटा भन्दा बढी डान्स तथा डिस्को रेष्टुराँ रहेका छन् । काठमाडौंभर करीव एकहजार ५६ वटाभन्दा बढी डान्स रेष्टुराँ भएको अनुमान गरिएको छ ।
तर, डान्स तथा रेष्टुराँ ब्यवसायीहरुले भने रेष्टुराँको मेनु नहेरी मन लाग्दी ढङ्गले खाने कुराको अर्डर गर्ने भएकाले विल बढी आउने गरेको दावी गरेका छन् ।

थप समाचार
प्रतिकृया
नाम

ईमेल

ठेगना