कल्पनालार्ई मिसेस नेपालको ताज

काठमाडौँ,  जेठ १९ गते । कल्पना श्रेष्ठले यस वर्षको ’मिसेस नेपाल एलिगेन्स–२०१८’को ताज आफ्नो नाममा पार्नुभएको छ । ¥याम्प जोनले आयोजना गरेको सौन्दर्य प्रतियोगितामा दाङकी श्रेष्ठले ११ जना प्रतिस्पर्धीलाई पछि पार्दै उहाँले उपाधि जित्नुभएको हो ।
जमलस्थित नाचघरमा भएको कार्यक्रममा काठमाडौंकी सविना महर्जन मिसेस फोटोजेनिकसहित फस्ट रनरअप तथा जनकपुरकी लक्ष्मी शर्मा सेकेन्ड रनरअप हुनुभयो ।
यसैगरी कार्यक्रममा कुमारी गुरुङ मोस्ट पपुलर, भिवर्स च्वाइस र बेस्ट फिटनेस, रुमा शाक्य बेस्ट क्याटवाक र बेस्ट पर्सनालिटी, गृष्मा प्रधान बेस्ट स्माइल, शोभा श्रेष्ठ मोस्ट फ्रेन्डली, बिना गुरुङ सिवाकोटी बेस्ट हेयर, मानमती कार्की मोस्ट डिसिप्लेन, मञ्जु क्षत्री मोस्ट व्युटीफुल र मन्दिरा केसी बेस्ट स्किनसँगै मोस्ट ट्यालेन्ट घोषित हुनुभयो ।
प्रतियोगिताका निर्णायकमा पत्रकार डब्बु क्षत्री, संगीतकार सरोज प्याकुरेल, अभिनेत्री रेजिना उप्रेती, फेशन डिजाइनर मनिषा डङ्गोल श्रेष्ठ र मिसेस नेपालकी उपविजेता एलिना ध्वजु सुवेदी हुनुहुन्थ्यो ।

 

थप समाचार
प्रतिकृया
नाम

ईमेल

ठेगना


Copyright © 2014, Gorkhapatraonline.com. All rights reserved. | Developed by: Young Minds