भुकम्प पीडित लाभग्राही फेरी थपिए

राधा चालिसे

काठमाडौँ, जेठ २० गते । राष्ट्रिय पुनर्निर्माण प्राधिकरणले छुट तथा पुनः जाँच सर्वेक्षण गर्दा भूकम्प पीडित लाभग्राहीको सङ्ख्या बढेको छ । प्राधिकरणले १३ वटा स्थानीय तहको पुनः सर्वेक्षण गर्दा दुई हजार ७८ घरधुरी लाभग्राहीमा थपिएका हुन् भने २६३ जना प्रवलीकरणका लागि लाभग्राहीमा समावेश भएको प्राधिकरणका सूचना अधिकारी मनोहर घिमिरले जानकारी दिनुभयो ।
प्राधिकरणको निर्णय अनुसार गोरखाका आरुघाट र अजिरकोट, सिन्धुपाल्चोकका इन्द्रावती र सुनकोशी, काठमाडाँैंका काठमाडौंँ महानगरपालिका, बुढानीलकण्ठ, चन्द्रागिरी, गोकर्णेश्वर, कीर्तिपुर, नागार्जुन, शंकरापुर, तारकेश्वर, टोखा नगरपालिकामा पुन सर्वेक्षण गरिएको थियो ।
यसअघि प्राधिकरणले गुनासो सुनुवाईमार्फत् विभिन्न जिल्लाका १८ गाउँपालिका र दुई नगरपालिकाका पाँच हजार ३४४ जनालाई पुनर्निर्माण अनुदान लाभग्राही र ५ हजार ५०१ जनालाई प्रवलिकरण लाभग्राहीमा समावेश गरिसकेको छ ।
विभिन्न जिल्लाबाट ठूलो संख्यामा गुनासो दर्ता गरिएको र पहिले सर्वेक्षण भएको वा नभएको यकिन गरी थप प्रमाणीकरण गर्नु परेकाले लाभग्राहीको छनोटमा केही ढिलाई भएको प्राधिकरणले स्पष्ट पारेको छ ।
प्राधिकरणले जेठ मसान्तभित्रमा सर्वेक्षण भै केन्द्रमा आएको तथ्याङ्कबाट लाभग्राहीहरुको पहिचान गरेर स्थानीय तहमा सूची पठाउने जानकारी घिमिरेले दिनुभयो ।
यसरी कायम भएका लाभग्राहीले स्थानीय तहको सिफारिशमा अनुदान सम्झौता गरेपछि तोकिएको प्रक्रिया पूरा गरी पुनर्निर्माण अनुदान पाउनेछन् । लाभग्राहीले पुननिर्माणका लागि तीन लाख र प्रवलीकरण लाभग्राहीले एक लाख रुपैयाँ अनुदान प्राप्त गर्नेछन् । NRA.jpg
विगतमा विभिन्न कारणले लाभग्राही सुची पर्न नसकेका वास्तविक भूकम्प पीडितलाई लक्षित गरी प्राधिकरणले भूकम्प अति प्रभावित १४ जिल्लामा छुट तथा पुनः जाँच सर्वेक्षण कार्यक्रम सञ्चालन गरेको थियो ।
कार्यक्रम अन्र्तगत गत भदौदेखि मङसिरसम्म प्राधिकरणले ३३२ जना इन्जिनियर परिचालन गरी छुट तथा पुनजाँच सर्वेक्षण कार्यक्रममार्फत करिब एकलाख ३० हजार घरधुरीको तथ्याङ्क सङकलन गरेको थियो ।

थप समाचार
प्रतिकृया
नाम

ईमेल

ठेगना