सांसदमा पाण्डे सिफारिस

काठमाडौ जेठ २३ गते । राष्ट्रिय जनता पार्टी नेपालले प्रदेश ५ का प्रदेशसभा समानुपातिक सांसदमा कल्पना पाण्डेलाई सिफारिस गरेको छ ।
राजपा नेपालका अध्यक्ष मण्डलका सदस्य राजकिशोर यादवले सांसद विनु पन्तले आफ्नो पदबाट राजिनामा दिनुभएपछि पाण्डेलाई सिफारिस गरिएको जानकारी दिनुभयो ।
सुरुमा पन्तलाई नियुक्त गरिएपछि पार्टीभित्र निकै आलोचना भएको थियो । पन्त पार्टीका उपाध्यक्ष सर्वेन्द्रनाथ शुक्लका आफन्त हुनुहुन्छ । हालसम्म सपथ नै नलिनुभएकी पन्तले स्वास्थ्यको कारण देखाउँदै पदबाट राजीनामा दिनुभएको हो ।
यसैबीच, संघीय समाजवादी फोरम नेपाल संघीय सरकारमा सहभागी भएपछि प्रदेश २ र केन्द्रमा सो दलसँग कस्तो सम्बन्ध राख्ने लगायतको विषयमा पनि राजपाको बैठकमा छलफल शुरु भएको छ । प्रदेश २ मा राजपा नेपाल र फोरम नेपालको संयुक्त सरकार छ ।

थप समाचार
प्रतिकृया
नाम

ईमेल

ठेगना