व्यवसायिक बक्सिङ्ग ‘च्याम्प अफ डी च्याम्पियन’ सम्पन्न

image

गोरखापत्र समाचारदाता-
ललितपुर, जेठ २८ गते । नेपालमा पहिलो पटक आयोजना गरिएको एकदिने व्यवसायिक बक्सिङ्ग ‘च्याम्प अफ डी च्याम्पियन’ सम्पन्न भएको छ ।
विश्व बक्सिङ्ग काउन्सिल र नेपाल प्रोफेसनल कमिसनको संयुक्त आयोजनामा यहाँस्थित शनिबार त्रिभुवन आर्मी अफिशर्स क्लवमा उक्त प्रतियोगिता आयोजना गरिएको थियो ।  
७९ किलो समूहको लाइट हेभी वेटमा नेपालका मनोहर बस्नेत (म्याक्स)ले भारतीय खेलाडी अर्शदिप भुल्लारलाई पराजित गर्नुभएको थियो ।
त्यसैगरी, लाइट वेट ६१ केजी समुहमा काठमाडौँका शनिल शाहीले चितवनका आकाश सुबेदीलाई हराउनुभयो । अर्घाखाँचीका यादव थापालाई त्रिभुवन आर्मी क्लवका नरेश देवानले नकआउट गर्नुभयो ।
६६ किलो समुहमा त्रिभुवन आर्मी क्लवका सुरेश नेपालीले कास्कीका सबिन गुरुङलाई पराजीत गर्नुभयो । त्यसैगरी, त्रिभुवन आर्मी क्लवका दानबहादुर दर्लामीले ललितपुरका अनुज भण्डारीलाई हराउनुभयो ।
प्रतिनिधिसभाका सदस्य पम्फा भुषाल र प्रदेशसभा सदस्य राजकाजी महर्जनले प्रतियोगीहरुलाई धन्यवाद दिनुहुँदै व्यवसायिक खेल नेपाल हुनुपर्नेमा जोड दिनुभयो ।
आयोजक संस्थाका अध्यक्ष मनोहर बस्नेतले पहिलो पटक भएको प्रतियोगिताले नेपाललाई विश्वसामू चिनाएको चर्चा गर्नुभयो । विजेता खेलाडीलाई नगद पुरस्कार प्रदान गरिएको थियो ।

थप समाचार
प्रतिकृया
नाम

ईमेल

ठेगना


Copyright © 2014, Gorkhapatraonline.com. All rights reserved. | Developed by: Young Minds