मुलुकभर समृद्धि अभियान सुरु : बाँस्कोटा

मधुसुधन तिमल्सिना

काभ्रे, जेठ २९ गते । सञ्चार तथा सूचना प्रविधिमन्त्री गोकुलप्रसाद बाँस्कोटाले सरकारले सुशासनमार्फत् मुलुकभर समृद्धि प्राप्त गर्ने अभियान सुरु गरेको बताउनुभएको छ ।
मण्डनदेउपुर नगरपालिकादेखि भुम्लु गाउँपालिकासम्म जोड्ने हिगुवापाटी–ज्याम्दी–दोलालघाट सडक स्तरोन्नतिको शिलान्यास कार्यक्रममा सोमबार मन्त्री बाँस्कोटाले भन्नुभयो, “सरकारले देशभरि नै सुशासन कायम गराउँदै विकास र समृद्धि हासिल गराउनु मुख्य दायित्व बोकेर लागिपरेको छ ।”
उहाँले सुशासनको सुरुवात प्रधानमन्त्री कार्यालयबाट भएको बताउनुहँुदै यसलाई मुलुकभर लागू गराउने बताउनुभयो । सुरुवात आफैबाट गराँै भनेर हामीले प्रधानमन्त्रीको सचिवालयमा रहेका ९१ कर्मचारीलाई कटौती गरेर ५१ जनामा ल्याएका छौँ, उहाँले भन्नुभयो,‘यसबाट सरकारको लाखाँै रुपियाँ बचेको छ । सरकारले भ्रष्टाचारमा शून्य सहनशीलता अपनाएको छ ।’
मन्त्री बाँस्कोटाले भन्नुभयो,‘कही कतै भ्रष्टाचार हुन सरकारले दिदाँ पनि दिदैन र गर्दा पनि गर्दैनौँ ।’ उहाँले मुलुकको स्थायित्वका लागि शासकीय सुधार, संस्थागत सुधार, व्यवस्थापनको सुधार, संस्कृतिको सुधारमा सरकारको ध्यान जाने बताउनुभयो । sanchar mantri sadak kavre2
निर्माण व्यवसायीहरूलाई समयमै काम सक्न पनि उहाँले निर्देशन दिनुभयो । ‘सरकार सुशासन र विकासमा लागेको छ, तपाईं निर्माण व्यवसायीहरूले पनि समयमै काम सम्पन्न गरेर सहयोग गर्नुहोस् । ढिलासुस्ती गर्नेहरुलाई सरकारले कारबाही गर्ने छ’, उहाँले भन्नुभयो ।
उहाँले राजनीतिक भाषण गर्ने समय अन्त्य भएको बताउनुभयो । अब राजनीतिक भाषण गर्ने समयको अन्त्य भएको छ, सबै दलले मुलुकमा समृद्धि र विकासमा प्रतिबद्धता जनाएकाले यहाँ सत्ता पक्ष र प्रतिपक्ष नै छैन, उहाँले भन्नुभयो,‘ हिजो जस्तो कसैलाई जनवाद, साम्यवाद, प्रजातान्त्रिक समाजवाद ल्याउनुछैन, सबैले समाजवादउन्मुख राज्य हुनेछ भनेर संविधानमै हस्ताक्षर गरेका छन् ।
कार्यक्रममा प्रदेश सांसद लक्ष्मण लम्सालले अहिलेको सरकार स्थायी रहेकाले समृद्धिका लागि नयाँ जागरण जनतामा ल्याएको बताउनुभयो । प्रदेश सांसद बसुन्धरा हुमागाईंले निर्वाचनमा जनतासँग गरिएका कबुल कार्यान्वयन चरणमा रहेको बताउनुभयो ।
हिगुवापाटी–ज्याम्दी–दोलालघाट १९ किलोमिटरका सडक स्तोरन्नतिका लागि २१ करोड ३२ लाख ४५ हजार रुपियाँ बजेट रहेको छ । जिल्ला कार्यान्वयनका प्रमुख लोकनाथ रेग्मीले राष्ट्रिय पुनःनिर्माण प्राधिकरण केन्द्रीय आयोजना कार्यान्वयन इकाई तथा जिल्ला कार्यान्वयन एकाई मार्फत बन्ने उतm सडक १८ महिनामा सक्ने गरी बोलपत्र भएको बताउनुभयो ।
सडक २० मिटरको बन्ने छ । मण्डनदेउपुर नगरपालिका प्रमुख टोकबहादुर तामाङले सडक स्तोरन्नतिसँगै यहाँका स्थानीय वासिन्दाले उत्पादन गरेको तरकारी, दुग्ध तथा अन्य बस्तुको बजारीकरणमा सहजता थप्ने बताउनुभयो ।
यसैबीच, नेपालकै पहिलो एकीकृत सूचना प्रविधि सेवा केन्द्र मण्डनदेउपुर नगरपालिकाबाट सुरु गरिएको छ । सोमबार एक कार्यक्रमबीच सञ्चार तथा सूचना प्रविधिमन्त्री बाँस्कोटाले सुरु गर्नुभएको हो ।
मन्त्री बाँस्कोटाले सर्वसाधारण जनताको सहज र सरल पहँुच सुनिश्चित गर्न र राष्ट्रिय विकासमा सूचना प्रविधिको उच्चतम प्रयोग गर्न एकीकृत सूचना प्रविधि सेवा केन्द्रको स्थापना महत्वपूर्ण रहेको बताउनुभयो । उहाँले प्रत्येक स्थानीय तहमा विद्युतीय साक्षरता बढाउन सूचना प्रविधि केन्द्रहरु स्थापना गर्न सरकार लागिपरेको बताउनुहँुदै यसका कानुनी र संस्थागत व्यवस्था गरिने बताउनुभयो ।
उहाँले नेपाल सरकारले प्रदान गर्ने अधिकांश सेवा÷सुविधाहरू अनलाइन÷इन्टरनेटमार्फत् सेवाग्राहीलाई छिटोछरितो र सहज सेवाप्रवाहका लागि उपयुतm रहेकाले सबै स्थानीय तहसम्म यो सेवा सुचारु गरिने बताउनुभयो । अहिले मुलुकमा ३१ प्रतिशत विद्युतीय साक्षरता रहेको तथ्याङ्क छ, यसलाई ५० प्रतिशत पु¥याएर कानुनी मान्यता दिने तयारीमा सरकार रहेको उहाँले जानकारी दिनुभयो ।
सबै स्थानीय तहमा अप्टिकल फाइवर विस्तार गरी शासकीय व्यवस्थालाई अझै सुधार गरी सुशासन कायम गर्न एकीकृत सूचना प्रविधि केन्द्र महत्वपूर्ण हुने उहाँले बताउनुभयो ।
सूचना प्रविधि विभागका महानिर्देशक लक्ष्मीप्रसाद यादवले नागरिकले प्राप्त गर्ने सरकारी सेवाहरु सूचना प्रविधिको माध्यमबाट सहज र सरल तरिकाले पु¥याउनका लागि एकीकृत सूचना केन्द्र स्थापना गरिएको बताउनुभयो । स्थानीय स्तरमा सूचना प्रविधि पूर्वाधार एवम् दक्ष जनशक्तिको ब्यवस्था भएको एकीकृत सूचना केन्द्र नेपालकै पहिलो मण्डनदेउपुर नगरपालिकामा स्थापना गरिएको बताउनुभयो ।
मण्डनदेउपुर नगरपालिकाका प्रमुख टोकबहादुर तामाङले नेपालकै पहिलो एकीकृत सूचना प्रविधि केन्द्र स्थापनाले नगरको काममा सहजता थप्ने विश्वास लिएको बताउनुभयो ।

थप समाचार
प्रतिकृया
नाम

ईमेल

ठेगना