लाइसेन्सको नयाँ आवेदन एक महिनाका लागि बन्द

भक्तपुर, जेठ ३० गते । सवारी चालक अनुमति पत्रका लागि नयाँ आवेदन असार मसान्तसम्मका लागि बन्द गरिएको छ । यातायात व्यवस्था कार्यालयले आम्दानीको हरहिसाव फरफारक यही बीचमा सम्पन्न गर्नुपर्ने भएकोले नयाँ आवेदन एक महिनाका लागि रोकिएको हो ।
यातायात व्यवस्था कार्यालय, जगाती प्रमुख राजन पौडेलका अनुसार यातायात व्यवस्था विभाग खारेज भई यातायात व्यवस्था कार्यालय प्रदेश अन्तर्गत सञ्चालन हुने भएकाले यसैको व्यवस्थापनका लागि नयाँ आवेदन रोकिन गएको हो । उहाँका अनुसार प्रयोगात्मक परीक्षामा अनुत्तीर्ण भई पुनः परीक्षा दिनेका लागि भने परीक्षा चालु नै राखिएको छ । लिखित परीक्षामा उत्तीर्ण भएकाको पनि प्रयोगात्मक परीक्षा कायम नै गरिएको छ ।

 

थप समाचार
प्रतिकृया
नाम

ईमेल

ठेगना


Copyright © 2014, Gorkhapatraonline.com. All rights reserved. | Developed by: Young Minds