प्रमको चीन भ्रमणमा भएका प्रतिवद्धता सकारात्मक

गोरखापत्र समाचारदाता

काठमाडौँ, असार ९ गते । राष्ट्रिय प्रजातन्त्र पार्टीले प्रधानमन्त्री के.पी. शर्मा ओलीको चीन भ्रमणको क्रममा विगतमा दुई देशका बीचमा भएका समझदारीलाई कार्यान्वयन गर्ने प्रतिबद्धतालाई सकारात्मक भएको जनाएको छ ।
पार्टीका अध्यक्ष कमल थापाको अध्यक्षतामा बसेको पदाधिकारी बैठकले प्रधानमन्त्रीको भ्रमणको क्रममा पारवहन, व्यापारलगायत रेल, बिजुली, पर्यटन र पूर्वाधारसम्बन्धी सम्झौता र समझदारीलाई कार्यान्वयन गर्ने प्रतिबद्धतालाई राप्रपाले सकारात्मकरूपमा लिएको उल्लेख छ ।
राप्रपाले प्रधानमन्त्रीको भ्रमणमा पारवाहन सन्धि हुन नसकेको तथा पेट्रोलियम पदार्थ आपूर्तिको वैकल्पिक व्यवस्थाबारे उल्लेख नभएकोप्रति भने असन्तोष प्रकट गरेको छ ।
प्रवक्ता भुवन पाठकले जारी गर्नुभएको विज्ञप्तिमा भनिएको छ, ‘‘औपचारिकरूपमा सिंगो मुलुकको प्रतिनिधित्व गरी विदेश भ्रमणमा गएको बेला पार्टीगत कार्यक्रममा सहभागिता र पार्टी विशेषको विचारको अभिव्यक्ति कूटनीतिक मर्यादा अनुकूल नभएको राप्रपाको ठहर छ ।’’

 

थप समाचार
प्रतिकृया
नाम

ईमेल

ठेगना


Copyright © 2014, Gorkhapatraonline.com. All rights reserved. | Developed by: Young Minds