विद्यमान चुनौतिका विषयमा छलफल

गोरखापत्र समाचारदाता

काठमाडौं, साउन ५ गते । प्रधानमन्त्री केपी शर्मा ओलीले पार्टीका वरिष्ठ नेता तथा सरकारका मन्त्रीहरुसँग समसामयिक राजनीतिक विषयका सम्बन्धमा शुक्रबार साँझ छलफल गर्नुभएको छ ।
प्रधानमन्त्रीको सरकारी निवास बालुवाटारमा साँझ करिब डेढ घण्टा भएको छलफलमा विद्यमान राजनीतिक चुनौति, विकास निर्माण तथा सरकारको कामकाजको विषयमा छलफल भएको प्रधानमन्त्रीका प्रेस सल्लाहकार कुन्दन अर्यालले जानकारी दिनुभयो । CPN UML Meeting at Baluwatar
छलफलका क्रममा डा. गोविन्द केसीको अनसन, राष्ट्रिय चिकित्सा शिक्षा विधेयक, सरकारले लिएको विकास सम्बन्धी लक्ष्यका विषयमा छलफल भएको प्रेस सल्लाहकार अर्यालले बताउनुभयो । छलफलमा प्रधानमन्त्री ओलीले नेपाल कम्युनिष्ट पार्टी (ने क पा) का अध्यक्ष पुष्पकमल दाहाल ‘प्रचण्ड’, प्रवक्ता नारायणकाजी श्रेष्ठ, महासचिव विष्णु पौडेल, मन्त्रीहरु ईश्वर पोखरेल, रामबहादुर थापा बादल लगायतको सहभागिता थियो ।
अध्यक्ष प्रचण्डको सचिवालयकाअनुसार अनसनरत डा. केसीको आन्दोलन र केही राजनीतिक दलले लिन खोजेको जसका विषयमा समेत बैठकमा छलफल भएको थियो । डा. केसीसँग ठोस वार्ता गरी चाँडै समस्या समाधान गर्नुपर्ने सुझाव बैठकमा नेताहरुले दिनुभएको थियो ।

थप समाचार
प्रतिकृया
नाम

ईमेल

ठेगना