नारायणगढ–मुग्लिन सडक जीर्ण पुलका कारण दुर्घटना बढ्दो

भरतपुर समाचारदाता

भरतपुर साउन २८ गते ।
घटना १ : एमएच ४२ टि ०३४३ नम्बरको भारतीय ट्रक शनिवार बिहान जुगेडीस्थित जुगेडी पुलवाट करिव ५० मिटर खोल्सामा खस्दा दुई जनाको मृत्यु र एक जना घाइते भए ।

घटना २ : ग १ ख ४०२१ नम्वरको बस गत वर्षको असार ६ गते चौध किलो स्थित खोर खोलाको पुलवाट करिव २० मिटर तल खस्दा एक जनाको मृत्यु र २२ जना घाइते भएका छन् ।

घटना ३ : बा६२ प ३७०४ नम्बरको मोटर साइकल केरावारी स्थित पुलवाट सय मिटर तल खस्दा मोटर साइकलमा सवार दुई जनाको मृत्यु भएको छ ।

नारायणगढ मुग्लिन सडकमा जीर्ण पुलकै कारण भएका यी केही प्रतिनिधि घटना मात्रै हुन् । सडक निर्माण पूरा भए पनि यहाँ रहेका जीर्ण पुलहरूको मर्मत सुधार तथा पुनर्निर्माण नगरिँदा पुलवाटै सवारी साधन खसेर ज्यान जाने र अङ्गभङ्ग हुने क्रम बढ्दो छ ।
जिल्ला ट्राफिक प्रहरी कार्यालय चितवनका प्रमुख ट्राफिक प्रहरी निरीक्षक वेदप्रसाद गौतम सडकको पुनर्निर्माण भए पनि सडकमा रहेका पुल जीर्ण हँुदा दुर्घटना भइ हेको बताउनुहुन्छ ।
“सडक पुर्निनर्माणसँगै पुलको पनि पुनर्निर्माण हुनुपर्ने हो तर त्यसो नहँुदा अहिले यो सडकको यात्रा जोखिम बन्दै छ”, ट्राफिक प्रहरी निरीक्षक गौतम भन्नुहुन्छ, “गत एक वर्षमा यो सडकमा भएका ५१ दुर्घटनामा २८ जनाको मृत्यु र १३१ जना घाइते भएका छन् । यसमा यहाँको साघुरा र जीर्ण पुल यसका प्रमुख कारण हुन् ।”

सन् २०१५ को अप्रिलमा सम्झौता भई पुनर्निर्माणको काम सकिनै लागेको यो सडकमा १८ वटा पुल रहेका छन् तर यी सबै पुल जीर्ण र साँघुरा छन् । अझै कतियपय पुल त आफै भासिन थालेका छन् भने कतिपयको रेलिङ्ग पनि छैन । प्राविधिकहरूका अनुसार यी पुलको चौडाइ ६ मिटरभन्दा कमका छन् । दुई लेनको सडकका लागि यी साह्रै साँघुरा हुन् । muglin

“नारायणगढ मुग्लिनको सडकको स्तरवृद्धिसँगै कम्तीमा पनि यो सडकमा अब ११ मिटर चौडाइ भन्दा वढीका पुल बनाइनुपर्छ”, एकजना प्राविधिकको सुझाव छ ।

नारायणगढ मुग्लिन सडक आयोजनाका प्रमुख रोहित विसुराल नारायणगढ मुग्लिन सडकका पुल जीर्ण र साँघुरा रहेको स्वीकार्नुहुन्छ ।

“पुल साँघुरा र जीर्ण भएकै कारण १८ वटा पुलमध्ये अहिले चार वटाको पुनर्निर्माणको काम शुरु भइसकेको छ” उहाँले भन्नुभयो, “अरु बाँकी १४ वटा पुलका लागि पनि पनुर्निर्माणका लागि बजेटको ब्यवस्था गर्न माग भइरहेको छ ।”

नारायणगढ मुग्लिन सडकका जलविरे, दासढुङ्गा, खानी र मौरी पुलको पुनर्निर्माणको काम भइरहेको हो । यसका लागि विश्व बैङ्कले नेपाल सरकारलाई २५ करोड रुपियाँ सहयोग गरेको छ । यसका साथै अब १४ वटा थप पुल वनाउनका लागि २ अर्व २० करोड रुपियाँ वजेट आवश्यक रहेको आयोजनाले जनाएको छ ।

देशकै प्रमुख राजमार्ग मध्येको नारायणगढ मुग्लिन सडक सुधारको प्रक्रिया अगाडि बढे पनि पुल जीर्ण हुँदा अवरोध भइहरेको छ । राजधानी काठमाडाँैलाई आवश्यक पर्ने खाद्यान्न तथा लत्ता कपडा र अन्य अत्यावश्यक सामानहरू पनि यही सडकवाट राजधानी काठमाडाँै लग्ने गरिन्छ ।

थप समाचार
प्रतिकृया
नाम

ईमेल

ठेगना