समयमै धान रोपे किसानले ९५ प्रतिशतभन्दा बढी रोपाइँ

गोरखापत्र समाचारदाता

काठमाडौँ, साउन ३१ गते । साउन अन्तिम समयसम्म ९५.४० प्रतिशत अर्थात् १४ लाख ८१ हजार १३ हेक्टर जमिनमा धान रोपाइँ भइसकेको छ । साउन २१ गतेसम्म ९४.२५ प्रतिशत रोपाइँ भएको थियो ।
यो तथ्याङ्क हेर्दा यसपटकको धान रोपाइँमा समयमा सकिएको छ । गत वर्ष यतिबेला ८९.२२ प्रतिशत रोपाइँ मात्र भएको थियो । यसपटक मनसुन चाँडै सुरु भएको कारण धान रोपाइँमा वृद्धि भएको कृषि मन्त्रायलयका सहप्रवक्ता शङ्कर सापकोटाले जानकारी दिनुभयो । असारको दोस्रो सातादेखि नेपालमा मनसुन सक्रिय भएको थियो ।
कृषि तथा पशुपक्षी मन्त्रालयले दिएको तथ्याङ्क अनुसार पूर्वाञ्चलमा ९१.२५ प्रतिशत रोपाइँ भएको छ । जसमध्ये ताप्लेजुङ्ग, सङ्खुवासभा, सोलुखुम्बुमा ९५.०२ प्रतिशत, इलाम, पाँचथर, भोजपुर, तेह्रथुम, धनकुटा, ओखलढुङ्गा, खोटाङ, उदयपुरमा ८७.४४ प्रतिशत, झापा, मोरङ, सुनसरी, सिरहा, सप्तरीमा ९२.०६ प्रतिशत मात्र रोपाइँभएको छ । यसमध्ये सबैभन्दा कम रोपाइँ सप्तरीमा भएको छ । त्यहाँ अझै ७७.०० प्रतिशत रोपाइँ भएको छ ।
त्यस्तै, मध्यमाञ्चलमा ९६.६५ प्रतिशत रोपाइँ भएको छ । जसमध्ये दोलखा, रसुवा, सिन्धुपाल्चोकमा ९३.४७ प्रतिशत, रामेछाप, सिन्धुली, नुवाकोट, काभ्रेपलञ्चोक, मकवानपुर, भक्तपुर, काठमाडौँ, ललितपुर र धादिङमा ९४.३१ प्रतिशत, धनुषा, महोत्तरी, सर्लाही, पर्सा, बारा, रौतहट, चितवनमा ९७.५० प्रतिशत रोपाइँ भएको छ । जसमध्ये बारामा रोपाइँ सम्पन्न भएको छ । baitadi dhan
पश्चिमाञ्चलमा ९५.९९ प्रतिशत रोपाइँ भएको छ । जसमध्ये, मुस्ताङ र मनाङमा रोपाइँ भएको छैन । पाल्पा, गोरखा, म्याग्दी, स्याङ्जा, बागलुङ, तनहुँ, लमजुङ, अर्घाखाँची, गुल्मीमा ९५.५५ प्रतिशत र कपिलवस्तु, रूपन्देही तथा नवलपरासीमा ९६.१४ प्रतिशत रोपाइँ भएको छ । रूपन्देही, नवपरासी र कास्कीमा रोपाइँ सम्पन्न भएको छ भने साउन १ गते गोरखाको सिर्दी खोलामा आएको बाढीका कारण ६० हेक्टर खेत बगरमा परिणत भएको कृषि मन्त्रालयले जनाएको छ ।
मध्यपश्चिमाञ्चलमा ९७.४८ प्रतिशत रोपाइँ सम्पन्न भएको छ । त्यसमध्ये जुम्ला, कालिकोट, मुगु, डोल्पा हुम्लामा ९९.०० प्रतिशत रोपाइँ भएको छ । सुर्खेत, दैलेख, जाजरकोट, सल्यान, रुकुम, रोल्पा, प्युठानमा ९८.२६ र बाँके, बर्दिया, दाङमा ९७.११ प्रतिशत रोपाइँ सकिएको मन्त्रालयले जनाएको छ । जुम्ला र डोल्पमा रोपाइँ सम्पन्न भइसकेको छ । सुदूरपश्चिमाञ्चलको नौवटा जिल्लामा ९९.५९ प्रतिशत रोपाइँ भएको छ, जसमध्ये बझाङ्ग, बाजुरा, दार्चुलामा ९९.७० प्रतिशत, डडेलधुरा, डोटी, बैतडी र आछामा ९८.३४ रोपाइँ सम्पन्न भएको छ भने कैलाली र कञ्चनपुरमा रोपाइँ सम्पन्न भइसकेको छ ।

थप समाचार
प्रतिकृया
नाम

ईमेल

ठेगना