नेपालमा हार्दिक स्वागत बिमस्टेकका ‘हाइप्रोफाइल’

गोरखापत्र समाचारदाता 

काठमाडौं, भदौ १३ गते । आगामी बिहीबार र शुक्रवार काठमाडाँैमा हुने बहुक्षेत्रीय प्राविधिक तथा आर्थिक सहयोगको लागि बङ्गाल खाडीको प्रयास (बिमस्टेक) को चौथो शिखर सम्मेलनमा भाग लिन सदस्य राष्ट्रका राष्ट्र प्रमुख तथा सरकार प्रमुख राजधानी आउने क्रम शुरु भएको छ । 1_2
विमस्टेकका सात सदस्य राष्ट्रका सरकार प्रमुख तथा राष्ट्रप्रमुखको राजनीतिक पृष्ठभूमि निकै भिन्न खालको छ । सहभागी नेतामध्ये केही सैनिक पृष्ठभूमिका हुनुहुन्छ भने केही कानुनी पृष्ठभूमिका । थाइल्याण्डका प्रधानमन्त्री पारुत छानोछा सैनिक पृष्ठभूमिको हुनुहुन्छ भने भूटानको अन्तरिक सरकारको प्रमुख सल्लाहकार त्यहाँको सर्वोच्च अदालतको बहालवाल प्रधानन्यायाधीश भए पनि उहाँले समेत विगतमा सैनिक अधिकृतका रुपमा सेवा गर्नु भएको थियो ।
उता म्यानमारका राष्ट्रपति विन मिन्टले पनि केही सयम त्यहाँको उच्च अदालत तथा सर्वोच्च अदालतमा अधिवक्ताका रुपमा काम गर्नु भएको थियो । यस क्षेत्रका केही नेताको राजनीतिक पृष्ठभूमि निकै सघर्षपूर्ण रहेको छ भने केही पारिवारिक राजनीतिबाट माथि उठ्नु भएको छ ।
शेखहसिना वाजेद
सन् १९४७ सेप्टेम्बर २८ मा जन्मनु भएका शेख हसिना वाजेद बंगलादेशको १० औँ प्रधानमन्त्री हुनुहुन्छ । उहाँ सन् २००९ देखि प्रधानमन्त्री रहँदै आउनुभएको छ । हसिनाको राजनीतिक यात्रा चार दशकभन्दा लामो छ । सन् १९८६ देखि १९९० सम्म र १९९१ देखि १९९५ सम्म दुई पटक प्रमुख प्रतिपक्ष नेता हुनुहुन्थ्यो ।
सन् १९८१ देखि बङ्गलादेशी अवामी लिगको नेतृत्व गर्दै आउनु भएकी हसिना १९९६ देखि २००१ सम्म प्रधानमन्त्री रहनुभएको थियो । उहाँले सन् २००८ मा दोस्रा पटक र २०१४ मा पुनः प्रधानमन्त्री भई बङगलादेशको नेतृत्व गरिरहनुभएको छ ।
छिरिङ्ग वानचुक
भूटानका छिरिङ्ग वानचुक भूटानको अन्तरिम सरकारका प्रमुख सल्लहाकारका रुपमा केही समयदेखि जिम्मेवारीमा हुनुहुन्छ । आमचुनावका लागि अगष्ट १ तारिकमा भूटानको तल्लो सदन विघटन भएसँगै वानचुक अन्तरिम सरकारको प्रमुख सल्लाहकार नियुक्त हुनुभएको हो । उहाँ सन् २०१४ देखि प्रधानन्याधीशको जिम्मेवारीमा हुनुहुन्छ ।
जर्ज बासिङ्गटन विश्वविद्यालयबाट कानुनमा स्नताकोत्तर गर्नु भएका उहाँ सन् १९८७ मा न्याय सेवामा कानुन अधिकृतका रुपमा सेवा प्रवेश गर्नु भएको थियो । उहाँले सन् १९९० देखि १९९५ सम्म रोयल भूटान अर्मीको सेकेण्ड लेफ्टिनेन्टको रुपमा सेवा गर्नुभएको थियो ।

नरेन्द्र मोदी
भारतका प्रधानमन्त्री नरेन्द्र मोदी सन् १९५० सेप्टेम्बर १७ जन्मनुभएका हो । भारतीय जनता पार्टी( बिजेपी)का सदस्य मोदी २००१ देखि २०१४ सम्म भारतको गुजरात प्रान्तको मुख्यमन्त्री हुनुहुन्थ्यो । उहाँ २०१४ मा भएको आम निर्वाचनपछि प्रधानमन्त्री चुनिनु भएको हो ।
दुई वर्ष अघि विमस्टेक र व्रिक्स बैठक भारतको गोवामा भएको थियो । पूर्वतिर हेर भन्ने नीति अन्तरगत प्रधानमन्त्री मोदीले बिमस्टेकलाई विश्वभर चिनाउन र सफल बनाउन योगदान दिइरहनुभएको छ । मोदीले प्रधानमन्त्रीको पद सम्हालेपछिको यो चौथो नेपाल भ्रमण हो ।

विन मिन्ट
म्यानमारका राष्ट्रपति विन मिन्टले सन् १९१८ को मार्च ३० देखि म्यानमारका दशौं राष्ट्रपतिका रुपमा जिम्मेवारी सम्हाली रहनु भएको छ । राष्ट्रपतिको जिम्मेवारी सम्हाल्नु अघि उहाँले दुई वर्षसम्म त्यहाँको संसदमा सभामुखका रुपमा काम गर्नु भएको थियो । उहाँ म्यानमारमा राजनीतिक वन्दीको रुपमा लामो सयमसम्म जेलमा रहनु भएको थियो ।
उहाँको जन्म म्यानमारको डानिब्यु आएवार्डे प्रान्तमा भएको थियो । उहाँले भूर्गभ विज्ञानमा स्नातक गर्नु भएको थियो । विनले विगतमा म्यानमारको उच्च अदालतमा बरिष्ठ अधिवक्ता हुनुका साथै सर्वोच्च अदालतमा कानुन व्यबसायीका रुपमा सेवा गर्नु भएको थियो ।

केपी शर्मा ओली
नेपालका प्रधानमन्त्री केपी शर्मा ओली २००८ साल फागुन ११ गते तेह्रथुममा जन्मनु भएको हो । २०७४ फागुन ३ गते ४१ औ प्रधानमन्त्रीका रुपमा ओलीले सपथ लिनुभएको हो । उहाँँ पहिलोपटक २०७२ असोज २४ गते ब्यवस्थापिका संसदबाट प्रधानमन्त्री पदमा निर्वाचित हुनुभएको थियो ।
२०२५ सालदेखि पूर्णकालिन राजनीतिक कार्याकर्ताको रुपमा विभिन्न गतिविधिमा संलग्न रहनु भएका ओलीले जीवनकालमा १४ वर्षसम्म जेल सजाय भोग्नुभएको छ । उहाँ २०३५ सालमा जेलमा रहँदा गठन भएको नेपाल कम्युनिष्ट पार्टी (माक्र्सवादी –लेलिनबादीका संस्थापक नेता समेत हुनुहुन्छ ।

मैत्रिपाल सिरिसेना
श्रीलङ्ककाको राष्ट्रपति मैत्रिपाल सिरिसेना सन् २०१५ जनवरीबाट सातौं राष्ट्रपतिको रुपमा जिम्मेवारीमा हुनुहुन्छ । उहाँको जन्म सन् १९५१ सेप्टेम्बरमा श्रीलङ्कको पश्चिमी प्रान्तमा भएको भए पनि उहाँ उत्तर केन्द्रिय प्रान्तबाट निर्वाचित हुनुभएको थियो ।
सन् १९८९ मा संसदमार्फत रुपमा मूल धारको राजनीतिमा प्रवेश गर्नु भएका सिरिसेनाले सन् १९९४ देखि विभिन्न मन्त्रालयको जिम्मेवारी सम्हालनुभएको थियो । उहाँले राष्ट्रपति पदका लागि उम्मेदवारी दिनु पहिले सन् २०१४ सम्म श्रीलङ्का फ्रिडम पार्टीको महासचिवका रुपमा राजनीतिमा सक्रिय हुनुहुन्थ्यो ।

पारुत छानोछा
थाइल्याण्डको २९ औं प्रधानमन्त्रीका रुपमा सन् २०१४ अगष्टमा नियुक्त पारुत छानोछा रोयल थाइ सेनाका पूर्व प्रमुख हुनुहुन्छ । सन् २०१० देखि २०१४ सम्म उहाँले सेनामा सेना प्रमुखका रुपमा सेवा गर्नुभएको थियो ।
उहाँको जन्म सन् १९५४ को मार्चमा भएको थियो । उहाँलाई कट्टर राजावादी तथा तत्कालीन जननिर्वाचित प्रधानमन्त्री थाक्सिन सिनावात्राको विरोधीका रुपमा चिनिन्छ । सेनाभित्रका अनुदारवदी अधिकारीका रुपमा चिनिने पारुत छानोछा सन् २००९ थाइल्याण्डमा भएको रातो टिसर्ट आन्दोनमा सैनिक हस्तक्षेपको पक्षपाती हुनुहुन्थ्यो ।
ऐजेन्सीहरुको सहयोगमा

थप समाचार
प्रतिकृया
नाम

ईमेल

ठेगना