भागेका कैदी पक्राउ

गोरखापत्र समाचारदाता 

काठमाडौँ, असोज ६ गते । तीन वर्ष अघिका विनाशकारी गोर्खा भूकम्पका दिन सिन्धुपाल्चोकस्थित जिल्ला कारागारबाट भागेका अपहरण मुद्दाका कैदी भरत, राजु जस्ता उपनामले परिचित माइला लामा राजधानीको माकलबारीबाट पक्राउ परेका छन् ।
उनलाई नेपाल प्रहरीको केन्द्रीय अनुसन्धान ब्युरो सीआईवीले शुक्रवार विहान पक्राउ गरेको हो । २०७२ साल बैशाख १२ गतेको विनाशकारी भूकम्प गएको दिन सिन्धुपाल्चोक जिल्ला कारागार भत्किँदा लामा भागेका थिए ।
जग्गा व्यवसायी शिवबहादुर खड्काको अपहरण मुद्दामा १० वर्ष कैद र ५० हजार जरिवाना सजाय सुनाइएका लामालाई पक्राउपछि थप कारवाहीका लागि सुन्धारास्थित जगनाथदेवलस्थित केन्द्रीय कारागारमा पठाइएको छ ।
कैदी लामाविरुद्ध परेको शरीर बन्धक तथा अपहरणमुद्दामा तत्कालीन पुनरावेदन अदालत पाटनले २०७० सालमा सो फैसला सुनाएको थियो । सिन्धुपाल्चोक ठूलो धादिड निवासी लामाले जग्गा बिक्री गरिदिएवापतको कमिसन नदिएको भन्दै २०६७ सालमा खड्काको अपहरण गरेका थिए ।

 

थप समाचार
प्रतिकृया
नाम

ईमेल

ठेगना


Copyright © 2014, Gorkhapatraonline.com. All rights reserved. | Developed by: Young Minds