अमेरिकाको मेरिल्याण्ड राज्यमा कलाकार केसी पुरस्कृत

purskaar 3 (1)

गोरखापत्र समाचारदाता–
काठमाडौं असोज १७ गते । अमेरिकामा बसोवास गर्दै आएका नेपाली कलाकार राजेन्द्र केसीले अमेरिकाको मेरिल्याण्ड राज्यमा आयोजित कला प्रतियोगितामा पुरस्कार जित्नुभएको छ । । हार्डफोर्ड स्थलगत चित्रकला प्रतियोगितामा राजेन्द्र केसीको चित्रले प्रथम स्थान हासिल गरेको हो ।
‘पब्लिक च्वाइस’ अवार्ड पाईसकेको उहाँको सोही चित्रलाई निर्णयकले पनि छान्दा उहाँ प्रथक हुनुभएको हो । प्रथम पुरस्कार सहित उहाँलाई नगद राशीले सम्मानित गरियो । यस भन्दा अगाडी पनि उहाँले विभिन्न स्थलगत चित्रकला प्रतियोगितामा विभिन्न पुरस्कार जित्नु भएको थियो ।

purskaar 3 (2)

विगत १० वर्ष भन्दा बढि समयदेखि अमेरिकामा बस्दै आउनु भएका केसी सन् १९९६ देखि नै कलाकारितामा रम्दै आउनु भएको छ । केसी नेपालमै रहदाँ समेत विभिन्न कला सम्बन्धी कार्यक्रममा सहभागी हुनुहुन्थ्यो । विषेश गरि स्थलगत चित्रकलामा सकृय कलाकार केसी जलरङ माध्यममा रमाउन मनपराउनु हुन्छ । नेपाल छाडेपछि केहि समय आफुलाई कलामा सक्रिय गराउन नसके पनि उहाँलाई कलाको हुटहुटीले छाड्न सकेन र हाल व्यवसायिक रुपमै कलामा सक्रिय हुनुहुन्छ ।
जावलाखेल ललितपुर स्थायी घर भएका केसीले अमेरिकामै आफ्नो आर्ट स्टुडियो संचालन गर्नुभएको छ । आफ्नो स्टुडियोमा नेपालीका साथै विदेशीलाई पनि प्रशिक्षण दिदै आउनु भएको छ । अमेरिका बसे पनि नेपाली संस्कृति र सौन्दर्यलाई निरन्तर चित्र मार्फत प्रचार प्रसार गरिरहनु भएका केसी नेपाली कला र कलाकारका लागि केहि गर्न चाहना रहेको बताउनु हुन्छ ।

थप समाचार
प्रतिकृया
नाम

ईमेल

ठेगना