राति किन गरिष्ठ भोजन नगर्ने ?


garisthaधेरै जसो मानिस राति खाना खाए लगत्तै सुत्ने बानी हुन्छ तर यसो गर्नु स्वास्थ्यका लागि लाभदायक मानिदैन । रात्रि भोजन गर्ने बित्तिकै सुत्नाले पाचन क्रिया ठीक ढङ्गले हुन पाउँदैन र शरीर मोटाउन थाल्छ । यसैले खानाको समय र सुत्ने समयबीच केही अन्तर हुनु आवश्यक छ । अझ केही विज्ञ रात्रि भोजन सात बजे अगाडि नै खाइसक्नुपर्ने कुरामा पनि जोड दिन्छन् । उनीहरूका भनाइमा यसबाट खाना पचाउन शरीरलाई पर्याप्त समय उपलब्ध हुन्छ ।
खाना खाएर प्राप्त हुने क्यालोरीलाई तत्काल प्रयोग गर्न सके शरीर स्वस्थ हुन्छ तर खाना साथ सुतेमा यो क्यालोरी शरीरले प्रयोग गर्न सक्दैन र परिणामस्वरूप यो क्यालोरी बोसोमा परिणत हुन्छ । खाएको खाना शरीरमा पच्नका लागि केही समय लाग्छ, यसैले पनि खाना खानासाथ सुत्नुलाई नराम्रो मानिएको हो । यसबाट पेटमा ग्यास तथा सङ्क्रमणको सम्भावना पनि हुन्छ ।
खानामा तारेका खानेकुरा खाइएको छ वा छैन भने पनि मनतातो पानी पिउनु लाभदायक हुन्छ किनकि तातो पानीले चिल्लोपनलाई हटाउन मद्दत गर्छ, फलस्वरूप शरीरमा बोसो बढ्न पाउँदैन । यसैगरी खाना खाएको केही समयपछि बिस्तारै हिँड्नु पनि उपयुक्त हुन्छ, यसले पनि शरीरमा बोसो जम्न दिँदैन ।
राति पाचन क्रियाले राम्ररी काम नगर्ने हुनाले खाएको खाना राम्रोसँग पच्दैन । फलस्वरूप शरीरमा थप क्यालोरीको मात्रा बढ्छ र मोटोपन बढ्न सक्छ । यसैले पनि राति गरिष्ठ खाना खानु उपयुक्त होइन ।

शनिबार डेस्क

 

थप समाचार
प्रतिकृया
नाम

ईमेल

ठेगना


Copyright © 2014, Gorkhapatraonline.com. All rights reserved. | Developed by: Young Minds