फिल्म बीमा लागु


गोरखापत्र समाचारदाता

काठमाडौंँ, चैत ५ गते । नेपाल चलचित्र निर्माता संघले सोमबार देखि ‘फिल्म बीमा’ लागु भएको जनाएको छ । दुर्घटना बीमापछि हामी प्रोजेक्ट बीमा लागु गर्न सक्षम भएका छौं अध्यक्ष आकाश अधिकारीले बताउनुभयो ।
निर्माताले कूल लगानीको एक प्रतिशत शुल्क बुझाएर निर्माता संघमा ‘फिल्म प्रोजेक्ट’ बीमा गर्न सक्ने व्यवस्था गरेको छ । मुलुकमा पहिलो पटक निजी क्षेत्रबाट फिल्म इन्स्योरेन्स व्यवस्था थालनी भएको उहाँले बताउनुभयो ।
‘यसले फिल्म छायाङ्कन र निर्माणका क्रममा भैपरी आउने दुर्घटना र फिल्मलाई आर्थिक सुरक्षा प्रदान गर्नेछ’ अधिकारीले थप्नुभयो, ‘म निर्माता साथीलाई ढुक्कले फिल्म बनाउन आग्रह गर्छु ।’ यसअघि छायाङ्कन स्थलमा हुने दुर्घटनामा मात्र बीमाको व्यवस्था थियो ।
निर्माताले चलचित्र विकास बोर्डमा फिल्म दर्ता गर्दा खुलाएको कूल लगानीको एक प्रतिशत शुल्क बीमाको लागि बुझाउनुपर्ने व्यवस्था गरिएको छ ।

थप समाचार
प्रतिकृया
नाम

ईमेल

ठेगना


Copyright © 2014, Gorkhapatraonline.com. All rights reserved. | Developed by: Young Minds