घुम्ती शिविरमा नागरिकता र सीमा पास वितरण


हुम्ला समाचारदाता

सिमकोट,जेठ १ गते । उत्तरी नाम्खा गाउँपालिकाको पालिका केन्द्र याल्बाङमा संचालन भएको एकिकृत घुम्ती शिविरमा चार सय ३८ जना नागरिकहरुलाई सेवा प्रदान गर्दै सम्पन्न भएको छ । सदरमुकामबाट एक दिन पैदल लाग्ने उक्त स्थानमा एक कार्यक्रमका बीच नाम्खा गाउँपालिकाका अध्यक्ष बिष्णु बहादुर लामाले शिविरको उद्घाटन गर्नु भएको थियो । शिविरमा ४५ जनालाई नयाँ नागरिकता, २४ जनालाई नागरिकताको प्रतिलिपि, दुई जनालाई नाबालक परिचय पत्र, आठ जनालाई जनजाति सिफारिस, २०३ जनालाई नयाँ सीमा पास, २०१ जनालाई सिमा पास नविकरण र ५० जनाको फोटो सहितको मतदाता नामावलीमा नाम दर्ता गरिएको टोलीका प्रमुख प्रमुख जिल्ला अधिकारी धोलकराज ढकालले बताउनु भयो । शिविरमा पाँच हजार नौ सय १५ रुपियाँको हुलाक टिकट बिक्री गरिएको उहाँले बताउनु भयो । जनताको घर दैलोमै गएर सेवा प्रदान गर्ने कार्यक्रम अन्र्तगत शिविर संचालन गरिएको प्रजिअ ढकालले बताउनु भयो । शिविरबाट प्रत्यक्ष रुपमा नाबालक देखि ६५ बर्ष भन्दा माथिका नागरिकहरु लाभान्वित भएका छन् । शिविर संचालनका लागि प्रमुख जिल्ला अधिकारी धोलकराज ढकाल, प्रहरी नायव उपरीक्षक राम प्रसाद घर्तीमगर, अनुसन्धानका डिएसपी सन्जिव चौधरी, कोलेनिका प्रमुख राजन रेग्मी, नाम्खा गाउँपालिकाका प्रमुख प्रशासकीय अधिकृत बम बहादुर नेपाली लगाएको उपस्थिती रहेको थियो ।

 

थप समाचार
प्रतिकृया
नाम

ईमेल

ठेगना


Copyright © 2014, Gorkhapatraonline.com. All rights reserved. | Developed by: Young Minds