मर्मतको पर्खाइमा खानेपानी योजना

हुम्ला समाचारदाता

water_1सिमकोट, जेठ १ गते । सिमकोट खानेपानी योजनाको मुहानको पाईपलाईन मर्मतको पर्खाइमा रहेको छ । एक दर्जन ठाँउमा पाईपबाट पानी चुहिए पनि बजेट नभएको भन्दै सिमकोट खानेपानी उपभोक्ता समितिले मर्मत गर्न नमाने पछि पानी चुहिएको पाईप लाईन मर्मतको पर्खाइमा रहेको हो ।
सिमकोटका एक हजार दुई सय घरधुरीलाई खानेपानी आपुर्ती गर्दै आएको सिमकोट खानेपानी योजनाको आपुर्ती गर्ने मुहान हुमाने खोला देखि सिमकोट बजारसम्म एक दर्जन स्थानमा पाईप लाईन चुहिएर पानी खेर गए पनि मर्मत हुन सकेको छैन । पानी चुहिएको छ समितिसंग बजेट छैन, त्यसैले मर्मत गर्न नसकिएको समितिका सदस्य टुल्के रोकायाले बताउनु भयो । हालसम्म धेरै पटक मर्मत समितिले नै गरेको भए पनि अहिले आएर पाईन नै परिवर्तन गर्नु पर्ने भएपछि बजेटको आवश्यक पर्ने भएको हुँदा मर्मत गर्न नसकिएको उहाँले बताउनु भयो । समितिले पानीबाट उठ्ने शुल्क चौकीदार र केही साना तिना मर्मत गर्दा ठिक्क हुने भए पछि अन्य मर्मत गर्न नसकिएको र गाउँपालिकालाई मर्मतका लागि बजेटको व्यवस्था गर्न आग्रह गर्दा पनि सहयोग नगरेको उहाँले बताउनु भयो । सिमकोट खानेपानी आयोजनाले दश हजार भन्दा बढी जनसंख्यालाई खानेपानी आपुर्ती गर्दै आएको छ ।

 

थप समाचार
प्रतिकृया
नाम

ईमेल

ठेगना